Aks 4:6 - Di Jamiekan Nyuu Testiment

⁶ Anos di liida fi di priis dem, Kaiyafas, Jan, Aligzanda, an di ada man dem fram di liida fi di priis fambili did de de tu.

Aks 4:6 ပူးပေါင်းရင်းမြစ်များ

Luuk 3:2

Anas an Kaiyafas a did liida fi di priis dem. Iina da siem taim de Jan, Zakaraiya bwai pikni, did de iina di dezot an get wan mesij fram Gad.

Jan 18:24

Den Anas sen Jiizas go a Kaiyafas, di liida fi di priis dem. Im did stil av Jiizas tai op.

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Jan 11:49

Den wan a di liida dem we niem Kaiyafas, an we did a di liida fi di priis dem da ier de, taak op an se, “Unu no nuo a ting!

Aks 4:7

Dem aada Piita an Jan fi kom tan op infronta dem an dem staat kwestiyan dem: “A uu gi unu di powa an di rait fi mek di kripl man get beta?”

Aks 5:21

Wen die lait dem go iina di yaad we Gad ous de, siem laik ou di ienjel did tel dem fi du, an staat tiich di piipl dem. Wen di liida fi di priis dem an im falara dem riich, im kaal tugeda aal a di Juu liida dem fi wan miitn. Den im sen som suoja tu di prizn fi kyari di apasl dem kom infronta dem.