Aks 4:34 - Di Jamiekan Nyuu Testiment

³⁴ Non a di piipl we biliiv iina Jiizas neva shaat a notn, kaaz di wan dem we av lan an ous wuda sel dem an kyari di moni we dem get

Aks 4:34 ပူးပေါင်းရင်းမြစ်များ

Matyu 19:21

So Jiizas se, “Ef yu waahn bi evriting we Gad waahn yu fi bi, gwaan go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Maak 10:21

Jiizas luk pan im an lov im, an se tu im se, “A onggl wan sitn yu shaat a. Go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Luuk 12:33

Sel wa unu av an elp di puor so unu kyan get moni we kyaahn ron out an stuor op aal kain-a gud sitn fi unuself iina evn. Wa de op de-so no tiif kyaahn kom tek an no mat kyaahn kom nyam nyam op.

Luuk 16:9

Mi a tel yu dis, yuuz di moni we yu av fi du gud fi piipl an mek fren, so wen it don, yu wi av wan uom iina evn.

Luuk 22:35

Den Jiizas aks dem se, “Di taim mi did sen unu widout moni, an tel unu no fi pak no bag ar kyari no ada slipaz, unu did shaat a notn?” Dem ansa Jiizas se, “Nuo wi neehn shaat a notn.”

Aks 2:45

Dem sel som a di sitn dem we dem did av an gi tu wan aneda fram taim tu taim azkaadn tu wa dem niid.

Aks 4:37

sel piis a lan we im did av an kyari di moni kom gi di apasl dem fi shier op.

2 Korintiyan 8:14

Rait ya nou unu av muor dan unu niid an dem no av notn, so unu fi shier wa unu av wid dem. An den wen dem av muor dan dem niid an unu no av notn, dem wi shier wa dem av wid unu. Da wie de evribadi wi av wen dem niid it.

1 Tesaluoniyan 4:12

Da wie de, ou unu liv wi mek piipl we no biliiv an chos iina Gad rispek unu an unu no afi luk tu nobadi fi notn niida.

1 Timoti 6:19

Ef dem du dis, dem wi bil wan salid fyuucha fi demself an wi get di laif we Gad pramis.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.