Aks 4:31 - Di Jamiekan Nyuu Testiment

³¹ Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Aks 4:31 ပူးပေါင်းရင်းမြစ်များ

Matyu 21:22

An eniting we unu prie an aks Gad fa, ef unu biliiv se im gu'unu, unu wi get it.”

Jan 14:12

Fi chuu chuu mi a tel unu se enibadi we biliiv iina mi a-go wok di powaful mirikl dem we mi a du. Dem aal a-go wok muo powaful mirikl dan wa mi du nou, kaa mi a go baka di Faada.

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Jan 15:7

Ef unu tan pan mi an ef wa mi se tan iina unu, aks fi eniting unu waahn, an unu wi get it.

Aks 14:3

So Paal an Baanabas tan de fi wan lang taim. An dem neva fried fi priich fi di Laad. Di mesij we dem did a priich bout ou di Laad lov piipl iivn duo dem no dizorv it, di Laad pruuv se a chuu dem did a taak wen im gi dem powa fi du aal kain-a mirikl an sain.

Aks 2:1

Wen Pentikas die kom, aal a di piipl we biliiv iina Jiizas did gyada op iina di siem plies.

Aks 2:2

Aal av a sodn dem ier wan naiz a kom fram di skai. Di naiz soun laik wen wan chrang chrang briiz a bluo, an it ful op di uol ous we dem did sidong.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 4:13

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Aks 4:29

So Laad, luk pan ou dem a chretn wi! Elp yu sorvant dem fi pred yu mesij an no fried a notn.

Filipiyan 1:14

An siek-a ou mi iina prizn, muos a di breda an sista dem get briev an a priich Gad wod, an no friedi-friedi no muor.

Filipiyan 1:20

So diip dong iina mi aat, mi riili chos se notn we mi du ar we mi se a-go mek mi shiem. Bot laik mi aalwiez du, an a du rait ya nou, mi eva a-go priich an no fried a notn, an mi eva a-go mek Krais Jiizas get nof rispek, weda mi ded ar alaiv.

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.