Aks 4:21 - Di Jamiekan Nyuu Testiment

²¹ Di liida dem chretn Piita an Jan agen, den dem let dem go. Dem kudn mek op dem main ou fi ponish Piita an Jan, kaaz aal a di piipl dem did a gi Gad priez fi wa did apm.

Aks 4:21 ပူးပေါင်းရင်းမြစ်များ

Matyu 15:31

Evribadi did fraitn fi si dom piipl a taak, uu kripl get beta, uu kudn waak a waak an blain piipl a si. An dem priez Izrel Gad.

Matyu 21:46

Dem did waahn lak im op, bot di kroud a piipl dem mek dem kech dem fried. Kaaz di piipl dem did tek Jiizas fi wan prafit.

Matyu 26:5

Bot dem se, “Mek wi no dwi'it pan di Paasuova alidie, kaa di piipl dem mait-a kaaz el-an-pouda-ous!”

Matyu 9:33

Wen Jiizas ron di diiman fram outa di man, di man staat chat! An di piipl dem fraitn! Dem se, “Nobadi neva yet si notn laka dis apm iina Izrel!”

Matyu 9:8

Wen di kroud a piipl si dis ya, dem kech dem fried an staat big op Gad, kaa a im gi piipl di rait an powa fi du dem sitn ya.

Luuk 13:17

Wen Jiizas se dis, aal a dem we gens im shiem, bot di res a piipl dem did api bout di gud gud sitn dem we im did a du.

Luuk 20:19

Di Laa tiicha dem an di ed priis dem luk fi wan wie fi lak op Jiizas siem taim, kaaz dem nuo se a dem im did a chat bout. Bot dem did fried a di piipl.

Luuk 20:6

Bot ef wi se, ‘a man,’ di uol a di piipl dem a-go stuon wi, kaaz dem tingk se Jan a did wan prafit.”

Luuk 22:2

an di ed priis an di Laa tiicha dem, did a chrai fain wan wie fi get rid a Jiizas anda di kwaiyat, kaaz dem did fried a di piipl dem.

Luuk 5:26

Evribadi fraitn bout wa dem si an staat fi priez Gad. Dem se, “Wi si som big mirikl tide.”

Aks 4:17

Bot wi kyaahn mek ada piipl ier bout dem sitn ya. So wi afi go waan dem man ya mek dem nuo se dem kyaahn priich tu di piipl dem an yuuz Jiizas niem no muor.”

Aks 4:22

Dem did a gi priez kaaz di kripl man we did get beta did uova faati ier uol.

Aks 5:13

Nobadi we neva paat a dem gruup did mad inof fi go jain dem, iivn duo aal a di piipl iina Jeruusilem taak gud bout dem.

Aks 5:26

So di ed gyaad an di afisa dem go fi di apasl dem. Bot dem neva rof dem op ar notn, kaaz dem did fried se di piipl wuda stuon dem.

Aks 5:40

an dem kaal iin di apasl dem an mek di suoja dem biit dem. Den dem aada dem se, “No taak tu di piipl an yuuz Jiizas niem eva agen!” Afta dat dem let dem go.