Aks 4:19 - Di Jamiekan Nyuu Testiment

¹⁹ Bot Piita an Jan ansa dem se, “Unu joj fi unuself wa unu tingk it rait fi du iina Gad yai, fi du we unu se, ar fi du we Gad se?

Aks 4:19 ပူးပေါင်းရင်းမြစ်များ

Matyu 22:21

Dem ansa bak, “Siiza.” So Jiizas se tu dem se, “Den gi Siiza wa a fi'im, an gi Gad wa a fi'im.”

Luuk 22:8

Jiizas se tu Piita an Jan se, “Go luk bout di Paasuova fuud fi wi nyam.”

Jan 7:24

Tap joj sitn siek-a ou it luk pan di outsaid, an staat joj dem fi ou dem riili tan.”

Aks 4:13

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Aks 5:28

Im se tu dem se, “Wi neva aada unu chrang chrang se unu no fi tiich nobadi bout di sitn dem we da man de niem Jiizas se unu fi tiich? Bot luk wa unu du. Unu ful op Jeruusilem wid di sitn dem we im tiich. An no onggl dat, unu chrai put fi'im blod pan wi an dem an se a wi kil im.”

Aks 5:29

Bot Piita an di ada apasl dem se tu dem se, “Wi afi du we Gad se wi fi du, bot wi no afi du wa piipl se wi fi du.

1 Korintiyan 10:15

Mi a taak tu unu laik piipl we av sens, so joj wa mi a se fi yuself.

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.

Ifiijan 6:1

Nou, az fi unu pikni, unu bilang tu di Laad, so unu fi du wa unu mada an faada tel unu fi du. Du it, kaaz a di rait sitn dat, an a dat Gad waahn unu fi du.

1 Timoti 2:3

A wan gud sopm dis an a so di Gad we siev wi waahn wi fi prie fi evribadi.

Iibruu 11:23

Wen Muoziz did baan, kaaz im mada an faada chos iina Gad, dem aid im fi chrii mont kaaz dem si se di pikni did priti, an dem neehn fried a di laa we di king did mek.

Jiemz 2:4

ef unu du dat, no paashal unu paashal? Dat shuo se unu tek said an a joj piipl rang.