Aks 4:13 - Di Jamiekan Nyuu Testiment

¹³ Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Aks 4:13 ပူးပေါင်းရင်းမြစ်များ

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Matyu 26:71

Wen im go outa di giet wan neda sliev gyal si im an se tu di piipl dem we did out de se, “Da man ya did de mongks Jiizas we kom fram Nazaret.”

Matyu 26:73

Likl lieta, di piipl dem we tan op de kom tu Piita an se, “Yu a riili wan a dem tu — aal ou yu chat gi yu we man, yu soun laik dem!”

Luuk 22:8

Jiizas se tu Piita an Jan se, “Go luk bout di Paasuova fuud fi wi nyam.”

Jan 19:26

Wen Jiizas si im mada, an di falara we im did lov a tan op saida ar, im se tu ar se, “Uman, tek im az yu uona bwai pikni.”

Jan 7:15

Di Juu liida dem shak wen dem si ou im tiich, so dem aks, “A ou da man ya nuo so moch an im neehn go a skuul?”

Jan 7:49

Nuo! Bot da fu-fuul kroud a piipl ya we no nuo notn bout di Laa — bad blesn de pan dem.”

Aks 4:14

An kaaz di kripl man we did get beta did tan op wid dem, dem kudn se notn.

Aks 4:19

Bot Piita an Jan ansa dem se, “Unu joj fi unuself wa unu tingk it rait fi du iina Gad yai, fi du we unu se, ar fi du we Gad se?

Aks 4:29

So Laad, luk pan ou dem a chretn wi! Elp yu sorvant dem fi pred yu mesij an no fried a notn.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Aks 9:27

Bot Baanabas elp im. Im tek im tu di apasl dem. Im tel dem ou Saal si di Laad Jiizas wen im did a go a Damaskos, ou di Laad taak tu im, an ou im neva fried fi priich tu di piipl iina Damaskos bout Jiizas.

Aks 9:28

So Saal tan wid di apasl dem an muuv roun wid dem iina Jeruusilem. An im neva fried fi priich tu di piipl bout Jiizas.

1 Korintiyan 1:27

Bot Gad pik di sitn dem we piipl tingk a fuulinish, so dat im kyan shiem di wan dem we tingk se dem waiz. Gad pik di sitn dem we piipl tingk wiik, so dat im kuda shiem di piipl we tingk se dem chrang.

1 Korintiyan 14:25

Gad mesij a-go kaaz aal a di sitn dem we dem did aid op iina dem aat fi kom out iina di uopm, an dem a-go go dong pan dem nii, put dem fies a grong an staat worship Gad. Dem a-go se, “Gad riili de mongks unu.”

2 Korintiyan 3:12

So sins wi kyan luk fi Gad gi wi wa im pramis an nuo fi shuor se wi a get dem, wi no afi aid an taak bout Gad.