So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.
Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.
Kaaz Muoziz did se, ‘Di Laad, fu'unu Gad, a-go riez op wan prafit laik mi. Da prafit de a-go bi fu'unu, an im a-go kom fram mongks unu uona piipl. Unu mos lisn an du evriting we im se.
Unu a di prafit dem pikni, an Gad did mek wan pramis tu unu faada faada dem an da pramis de a fi unu. Im tel Iebriyam se, ‘Mi a-go yuuz fi yu pikni dem fi bles aal a di piipl dem pan ort.’
Mi no shiem fi priich di Gud Nyuuz kaaz it powaful. A di Gud Nyuuz Gad yuuz fi siev aal a di piipl we chos iina Jiizas. Im yuuz it fi siev di Juu dem fos an den im yuuz it fi siev di piipl dem we a no Juu.
Kaaz mi a tel unu, Krais Jiizas did kom fi elp di Juu dem. Im did kom fi shuo dem se Gad wi aalwiez du wa im se im a-go du — im did kom fi shuo dem se Gad wuda du aal we im did pramis di Juu dem faada faada go bak se im wuda du.
Wi priez Gad. Im a di Gad an Faada fi wi Laad Jiizas Krais. Kaaz wi an Krais Jiizas a wan, Faada Gad mek wi spirit api an mek wi kyan tek paat iina evriting gud we kom fram evn.
Tangks an priez tu di Gad an Faada a wi Laad Jiizas Krais. Im so gud an kain tu wi, im gi wi nyuu laif wen im mek Jiizas Krais ded an kom bak alaiv. Da wie de, wi nuo fi shuor se wi kyan get wa im pramis wi.
Wen sumadi du unu sopm, unu no fi du dem bak notn. An wen dem kos unu out, no bada kos dem aaf; insted-a dat unu fi aks Gad fi bles dem kaaz Gad kaal unu fi bles unu.
Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.