Aks 3:22 - Di Jamiekan Nyuu Testiment

²² Kaaz Muoziz did se, ‘Di Laad, fu'unu Gad, a-go riez op wan prafit laik mi. Da prafit de a-go bi fu'unu, an im a-go kom fram mongks unu uona piipl. Unu mos lisn an du evriting we im se.

Aks 3:22 ပူးပေါင်းရင်းမြစ်များ

Aks 7:37

“Dis a di siem Muoziz we tel di Izrelait dem se, ‘Gad a-go sen unu wan prafit jos laik mi fram mongks unu uona piipl.’

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Iibruu 5:9

An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Revilieshan 1:1

Di sitn dem we rait dong iina da buk ya, a di sitn dem we Gad shuo Jiizas Krais. Gad shuo im dem sitn ya, so im kuda tel im sorvant dem bout di sitn dem we suun apm. A dem sitn de Jiizas sen im ienjel go tel im sorvant Jan.

Ruoman 9:5

Di Izrel piipl, dem a di pikni fi di uol taim liida dem — di liida dem we Gad did pik an we a did di ed fi di difrant difrant chraib dem. A fi dem fambili Krais Jiizas kom fram. Mek evribadi priez Gad, Gad we ruul uova evriting, fi eva an eva. Iemen!

Jan 12:46

Mi kom iina di worl laka wan lait, so dat dem we chos iina mi no gweehn tan iina daaknis.

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

Jan 8:12

Jiizas staat taak tu di piipl dem agen an se, “Mi a di wan we lait op di worl. Enibadi we fala mi naa go waak iina di daak, bot dem a-go av di lait we gi piipl laif.”

Luuk 24:19

Jiizas aks dem, “Wa kain-a sitn?” Dem se tu im se, “Bout Jiizas fram Nazaret. Im did se an du som powaful sitn yu si we shuo aal di piipl dem se im a wan a Gad prafit dem.

Luuk 13:33

Mi afi gwaan we mi a go tide an tumaro an di neks die. Kaaz no prafit kyaahn ded outsaida Jeruusilem!

Iibruu 2:1

Siek-a dat, wi afi lisn di Gud Nyuuz we wi did ier nou muo dan wi yuus tu, so wi no chrie.

Matyu 21:11

An di kroud a piipl dem we did a fala baka Jiizas did a se, “A di prafit Jiizas dis ya we kom fram Nazaret iina Gyalalii.”