Aks 3:20 - Di Jamiekan Nyuu Testiment

²⁰ Unu fi du dat so di Laad Gad wi sen wan taim fi unu spirit res an get chrang, an im wi sen Krais Jiizas kom tu unu, Jiizas we im pik fi siev piipl.

Aks 3:20 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 24:3

Wen Jiizas did a sidong pan Mount Aliv im falara dem kom tu im wan said an se, “Tel wi, a wen aal dem sitn ya a-go apm? An a wa kain-a sain a-go shuo se yu a kom bak an di worl suun don?”

Maak 13:26

“Den evribadi wi si di Man we Gad Pik a kom iina di kloud dem an im a-go av powa an wan brait brait lait a shain roun im.

Luuk 19:11

Wen dem a lisn tu dis, Jiizas tel dem wan neda tuori, kaaz im did nier Jeruusilem an di piipl dem did tingk se Gad kindom did a-go kom siem taim.

Luuk 21:27

Den dem a-go si di Man we Gad Pik a kom iina wan kloud an im a-go av powa an wan brait brait lait a shain roun im.

Aks 17:31

kaaz im set wan die wen im a-go joj aal a di piipl iina di worl. An im av wan speshal man we a-go joj piipl fi'im, an da man de a-go joj evribadi di wie ou dem fi get joj — im no paashal. An Gad mek da man de kom bak alaiv afta im did ded fi mek evribadi si se a no no juok ting im a diil wid.”

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Aks 3:21

Jiizas afi tan a evn til di taim kom fi Gad mek evriting nyuu. A dat Gad mek im prafit dem tel piipl fram wie bak wen.

2 Tesaluoniyan 2:2

no bada mek nobadi twis op unu ed an fraitn unu so dat unu kyaahn iivn tingk chriet. Nobadi! No mek no mesij we nobadi kliem se dem get fram di spirit an no faam a leta we kliem se it kom fram wi we a tel unu bout se: di die wen di Laad fi kom bak de ya aredi. No mek non a dat twis op unu ed. No biliiv non a dat!

2 Tesaluoniyan 2:8

An den, di wan we brok Gad Laa a-go shuo op an mek evribadi nuo uu im bi. Bot wen di Laad Jiizas kom im a-go bluo pan im kil im, an Jiizas brait brait lait a-go waip im out fi gud.

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

Revilieshan 1:7

Luk de! Im a kom iina di kloud, an evri yai a-go si im, iivn di wan dem we mek dem kil im wid di suod; an aal di piipl dem pan ort a-go baal siek-a im. A so it a-go go! Iemen.