Aks 3:18 - Di Jamiekan Nyuu Testiment

¹⁸ Bot lang bifuo it apm, Gad tel im prafit dem se di wan we im wuda sen fi siev piipl wuda sofa, an a siem so im mek it apm.

Aks 3:18 ပူးပေါင်းရင်းမြစ်များ

Aks 2:23

Azkaadn tu im plan, Gad gi uova da man de tu unu kaaz a so im did set it op, an im did don nuo se a so tingz did a-go go. An unu mek di piipl we a no Juu kil im pan di kraas.

Aks 28:23

So dem set di taim fi miit wid im. Wen dem shuo op a im ous fi di miitn, uol iip muor a dem kom dan di fos taim. Fram maanin til iivnin, Paal taak tu dem an elp dem andastan di mesij bout Gad kindom an Jiizas. An im yuuz di Laa we Muoziz did rait dong, an wa di prafit dem did rait fi get dem fi biliiv se wa im did a tel dem bout Gad kindom a chuu.

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Aks 10:43

Aal a di prafit dem taak bout im an se Gad wi paadn enibadi we biliiv iina Jiizas fi aal a dem sin kaaz dem chos iina Jiizas.”

2 Piita 1:21

Kaaz no mesij fram Gad neva kom bout bies pan we no man ar uman waahn, bot a di Uoli Spirit did tek kanchuol a piipl an mek dem gi mesij we kom fram Gad.