Aks 3:16 - Di Jamiekan Nyuu Testiment

¹⁶ A Jiizas powa mek da kripl man ya get beta. So wa unu si apm tide, onggl apm kaaz wi biliiv iina Jiizas. Unu kyan si fi unuself se a Jiizas powa mek im beta.

Aks 3:16 ပူးပေါင်းရင်းမြစ်များ

Matyu 14:29

So Jiizas se, “Kom!” Piita kom outa di buot, waak pan di waata an a go tu Jiizas.

Matyu 9:22

Bot wen Jiizas ton roun an si ar, im se, “No fret daata! Kaaz yu biliiv iina mi, yu aarait nou.” An fram da taim de di uman did beta.

Jan 14:12

Fi chuu chuu mi a tel unu se enibadi we biliiv iina mi a-go wok di powaful mirikl dem we mi a du. Dem aal a-go wok muo powaful mirikl dan wa mi du nou, kaa mi a go baka di Faada.

Jan 7:23

So ef wan pikni kyan get sorkomsaiz pan di Sabat fi mek shuor se Muoziz Laa no get brok, wa mek unu beks wid mi, kaa mi mek sumadi get beta pan di Sabat.

Aks 14:9

Im did a lisn tu Paal a priich bout Jiizas. Paal luk chriet pan im an si se im did biliiv iina Gad inof se Gad kuda get im beta.

Aks 16:18

Die afta die shi kip aan a du di siem ting. Bot Paal get riili riili beks. So im ton roun an se tu di spirit we did iina di gyal se, “Iina Jiizas Krais niem. Kom outa ar!” An di spirit kom out siem taim.

Aks 3:6

Den Piita se tu im, “Mi no av no moni at aal kyan gi yu. Bot wa mi av mi a-go gi yu. Iina Jiizas Krais niem, di wan we kom fram Nazaret, git op an waak.”

Aks 3:8

Im jomp rait op an staat waak. Den im go wid dem iina di yaad we Gad ous de, a waak, an a jomp op an dong an a priez Gad.

Aks 4:10

lisn mi, mi waahn aal a unu an evribadi we iina Izrel fi nuo, a Jiizas Krais we kom fram Nazaret mek im beta. Jiizas we unu kil pan di kraas, an we Gad mek kom bak alaiv, a im mek da kripl man ya tan op chrang infronta unu tide.

Aks 4:30

Yuuz yu powa an mek piipl beta. An mek wi yuuz di niem a yu sorvant Jiizas fi du som powaful mirikl an som sain.”

Aks 4:7

Dem aada Piita an Jan fi kom tan op infronta dem an dem staat kwestiyan dem: “A uu gi unu di powa an di rait fi mek di kripl man get beta?”

Ruoman 3:22

Gad onggl mek tingz rait bitwiin im an piipl wen dem biliiv iina Jiizas Krais. A so it go fi evribadi weda yu a Juu ar yu a no Juu.

1 Korintiyan 13:2

Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.