Aks 3:13 - Di Jamiekan Nyuu Testiment

¹³ Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.

Aks 3:13 ပူးပေါင်းရင်းမြစ်များ

Aks 7:32

Di Laad se, ‘Mi a di Gad fi yu faada faada dem, di Gad fi Iebriyam, Aizak an Jiekob.’ Muoziz did so fried im staat fi chrimbl an im kudn luk pan di bush no muor.

Matyu 22:32

‘Mi a Iebriyam Gad, Aizak Gad an Jiekob Gad’? Im a no Gad fi ded piipl, bot im a Gad fi uu a liv!”

Iibruu 2:9

Wa wi si ya nou a Jiizas. Fi wan likl wail im did de luo dong dan di ienjel dem, bot nou im av powa. Nou Gad riez im op ai ai laik a wan kroun im put pan im ed. Im av powa an Gad riez im op ai ai kaaz im sofa an ded. An kaaz Gad lov wi so moch iivn duo wi no dizorv it, im mek Jiizas ded fi evribadi.

Jan 19:15

Bot dem shout out se, “Tek im we! Tek im we! Niel im pan di kraas mek im ded!” “Mi fi niel op unu king pan di kraas mek im ded?” Pailat aks dem. “Siiza a di onggl king wi av,” di ed priis dem se tu im.

Jan 19:12

Fram da taim de, Pailat chrai an chrai fi let im go. Bot di Juu liida dem did kip aan a shout an se, “Ef yu mek da man ya get we, yu an Siiza a no fren! Enibadi we se dem a king a fait gens Siiza.”

Jan 18:40

Dem shout bak se, “A no dis ya man ya wi waahn. Gi wi Barabas. (Nou, Barabas did fait gens di Ruoman dem.)

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Aks 22:14

“Den im se tu mi se, ‘Di Gad we wi faada faada dem worship pik yu fi nuo wa im plan fi du, fi si im sorvant we aalwiez du wa im waahn im fi du an fi ier da wan de taak tu yu imself.

Jan 12:16

(Nou Jiizas falara dem neehn andastan dem sopm ya fos aaf. A onggl afta Jiizas ded an kom bak alaiv an Gad shuo ou im big an powaful dem memba se dem sitn ya did rait dong bout im an dat dem did apm tu im.)

Jan 7:39

(Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Luuk 23:4

Den Pailat tel di ed priis dem an di kroud se, “Mi no fain no riizn fi chaaj da man ya.”

Maak 15:11

Bot di ed priis dem rail op di kroud fi aks Pailat fi let go Barabas.

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Matyu 27:2

Dem tai im op, kyari im go we an an im uova gi Pailat, di govana.

Matyu 20:19

Dem a-go gi'im tu di piipl dem we a no Juu fi dem laaf aafa im an tek im mek preke, biit im wikid wikid an afta dat dem a-go kil im pan di kraas. Bot chrii die afta dem kil im, im a-go kom bak alaiv.”

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Luuk 6:37

“No joj piipl laik se Gad kyaahn paadn dem. Ef unu du dat di siem ting a-go riich unu. An no bada se nobadi gilti an rait dem aaf, kaaz dat wi riich unu tu. Paadn piipl, an unu wi get paadn tu.

Jan 19:11

Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Aks 3:12

Wen Piita si dem, im se tu dem se, “Aal a unu Izrel piipl, wa unu shak so fa? Wa unu tan op a luk pan wi so fa? Unu tingk a chuu wi powaful ar chuu wi gud iina Gad yai mek wi mek da man ya waak?

Aks 3:26

So wen Gad riez op Jiizas im sorvant, im sen im kom a unu fos fi bles unu. Im bles unu wen im kaaz unu fi ton we fram unu wikidnis.”

Aks 4:27

Wi nuo fi shuor se a so it go, kaaz Erad, Ponchos Pailat, piipl we a no Juu, an di Izrel piipl miit op iina da siti ya an plan fi kil Jiizas, yu sorvant we uoli.

Aks 4:30

Yuuz yu powa an mek piipl beta. An mek wi yuuz di niem a yu sorvant Jiizas fi du som powaful mirikl an som sain.”

Aks 24:14

Bot wa mi kyan se tu yu a dis, mi worship di Gad we wi faada faada dem worship azkaadn tu da Wie de — di Wie we dem se rang. Mi biliiv evriting we iina di Laa an we di prafit dem rait dong.

Ruoman 9:5

Di Izrel piipl, dem a di pikni fi di uol taim liida dem — di liida dem we Gad did pik an we a did di ed fi di difrant difrant chraib dem. A fi dem fambili Krais Jiizas kom fram. Mek evribadi priez Gad, Gad we ruul uova evriting, fi eva an eva. Iemen!

Luuk 22:57

Bot Piita se a lai shi a tel. “Uman, mi no nuo im,” Piita se.