Aks 28:8 - Di Jamiekan Nyuu Testiment

⁸ Pyuubliyos faada did sik an iina bed. Im di av fiiva an wan siknis we mek im beli ron an kaaz im fi vamit. Paal go iin go si im an afta im prie fi im, im put im an pan im an mek im beta.

Aks 28:8 ပူးပေါင်းရင်းမြစ်များ

Matyu 10:1

Jiizas kaal op im twelv falara dem an gi dem di rait fi ron out wikid spirit. An im gi dem di rait an powa fi get piipl beta we sik iina aal kain-a wie an we av aal kain-a siknis.

Matyu 10:8

Get sik piipl beta, mek ded piipl kom bak alaiv, piipl we av siknis we mek dem skin fasi-fasi — mek dem skin get bak kliin, an ron out diiman spirit tu. Unu get tingz an unu neehn afi gi notn, nou gi an no luk fi get bak notn.

Matyu 12:13

Den im se tu di man, “Chrech out yu an.” Di man chrech out im an, it get beta, an kom bak gud gud laik di neks wan.

Matyu 9:18

Wen Jiizas de de-so a se dem sitn de, aal av a sodn, wan liida fi di Juu dem choch go dong pan im nii infronta im. Im se tu Jiizas se, “Mi daata ded jos a wail ago, bot kom put yu an pan ar an shi wi kom bak alaiv.”

Maak 16:18

dem wi kyan yuuz dem an pik op siniek, an no paizn we dem jringk naa go du dem notn. Dem wi put dem an pan sik piipl an mek dem get beta.”

Maak 5:23

Im beg Jiizas, “Du, mi likl daata a-go ded! Du, mi a beg yu, kom put yu an pan ar an shi wi get beta an liv.”

Maak 6:5

So Jiizas kudn wok no mirikl de, onggl fi toch kopl sik piipl an mek dem beta.

Maak 7:32

Som piipl kyari wan man we did def an we kuda bieli taak tu Jiizas. Dem beg im fi jos toch im.

Luuk 13:13

Im put im an pan ar, an siem taim shi tan op chriet chriet an priez Gad.

Luuk 4:40

Wen di son did a go dong, di piipl dem we av sumadi we sik, kyari dem kom a Jiizas. Im put im an pan evri wan a dem an mek dem beta, no mata wa dem did sik wid.

Aks 28:7

Kluos tu we dat did apm tu Paal, wan man niem Pyuubliyos did av im ous an lan. Im a did di ed fi di govament fi di ailan. Im tek wi iina im ous an tek gud kier a wi. An wi tan a im ous fi chrii die.

Aks 28:9

Afta dat uol iip a piipl pan di ailan we did sik kom tu Paal fi im mek dem beta.

Aks 9:40

Piita sen aal a dem outa di ruum. Den im go dong pan im nii an prie tu Gad. Den im ton tu di ded uman an se, “Tabita, git op!” Shi uopm op ar yai dem, an wen shi si Piita, shi sidong op.

1 Korintiyan 12:28

Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

1 Korintiyan 12:9

Gad Spirit mek som piipl kyan biliiv iina Gad nof nof, an ada piipl, di Spirit gi dem di powa fi mek sik piipl get beta.