Aks 28:31 - Di Jamiekan Nyuu Testiment

³¹ an priich tu dem bout Gad kindom an tiich dem bout di Laad Jiizas Krais. An im neva fried fi tiich bout di Laad Jiizas an notn neva de de fi tap im.

Aks 28:31 ပူးပေါင်းရင်းမြစ်များ

Aks 4:29

So Laad, luk pan ou dem a chretn wi! Elp yu sorvant dem fi pred yu mesij an no fried a notn.

Aks 28:23

So dem set di taim fi miit wid im. Wen dem shuo op a im ous fi di miitn, uol iip muor a dem kom dan di fos taim. Fram maanin til iivnin, Paal taak tu dem an elp dem andastan di mesij bout Gad kindom an Jiizas. An im yuuz di Laa we Muoziz did rait dong, an wa di prafit dem did rait fi get dem fi biliiv se wa im did a tel dem bout Gad kindom a chuu.

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.

Filipiyan 1:14

An siek-a ou mi iina prizn, muos a di breda an sista dem get briev an a priich Gad wod, an no friedi-friedi no muor.

Aks 20:25

“An aal a unu we mi did go roun an priich tu bout Gad kindom, mi nuo se unu naa go si mi fies agen.

Aks 8:12

Bot wen dem biliiv di gud nyuuz we Filip did a priich bout Gad kindom an Jiizas Krais, evribadi, man an uman go get baptaiz.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Aks 5:42

An evridie di apasl dem go a di yaad we Gad ous de an iina piipl ous go tiich an priich di Gud Nyuuz se Jiizas a di wan we Gad sen fi siev piipl.

2 Timoti 2:9

A chuu mi a tiich da mesij ya mek mi a sofa so. An a kaaz mi tiich da mesij ya mek dem fling mi iina prizn an chriit mi laik se mi a kriminal. Bot dem kyaahn tap Gad mesij ar lak it op laik ou dem lak mi op iina prizn.

Aks 23:11

Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”

Luuk 8:1

Afta dat, Jiizas chravl fram toun tu toun an dischrik tu dischrik, a priich di gud nyuuz bout Gad kindom. Aal dem taim de, di twelv did a go roun wid im.

Maak 1:14

Nou afta dem lak op Jan iina prizn, Jiizas go a Gyalalii go priich Gad gud nyuuz.

Aks 1:3

Afta im did sofa an ded pan di kraas, im kom bak alaiv an shuo imself tu im apasl dem. Im pruuv tu dem iina nof difrant wie se im alaiv. Fi bout faati die im kip aan a shuo op mongks dem taim afta taim an taak tu dem bout Gad kindom.

Aks 28:30

Fi tuu uol-a ier Paal liv iina im uona ous we im rent. Im tek iin evribadi we kom tu im