Aks 28:30 - Di Jamiekan Nyuu Testiment

³⁰ Fi tuu uol-a ier Paal liv iina im uona ous we im rent. Im tek iin evribadi we kom tu im

Aks 28:30 ပူးပေါင်းရင်းမြစ်များ

Jan 1:39

“Kom,” Jiizas se, “unu kom, an unu wi si wich paat mi stie” (a did bout fuo aklak iina di iivnin). So dem go an si wich paat im did a liv an dem tan a im yaad fi di res a di die.

Aks 19:21

Afta aal a dem sitn ya apm, Paal mek op im main fi go op a Jeruusilem, so im chravl chuu Masiduoniya an Akaiya. An im se, “Afta mi spen som taim op de, mi afi go a Ruom fi a likl wail.”

Aks 24:27

Afta tuu ier paas, Porshiyos Festos ton di nyuu govana an tek uova fram Fiiliks. Bot kaaz Fiiliks did a chrai fi kori fieva wid di Juu dem, im lef Paal iina prizn.

Aks 28:16

Wen wi riich a Ruom, di govament lou Paal fi liv a wan ous im wan, nobadi neehn afi tan de wid im onggl di suoja we gyaad im.

Aks 28:31

an priich tu dem bout Gad kindom an tiich dem bout di Laad Jiizas Krais. An im neva fried fi tiich bout di Laad Jiizas an notn neva de de fi tap im.

Ruoman 15:32

So prie bout dem sitn de so dat mi kyan kom luk fi unu, ef dat a wa Gad waahn, an dat wen mi kom mi aat wi api an mi kyan get som res wail mi dong de wid unu.

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

2 Korintiyan 6:5

Piipl biit wi, dem fling wi iina prizn, kroud an kroud a piipl chrai kil wi aaf bot wi stil a wok. Wi a wok aal wen wi no av di chrent fi wok no muor. Nof nait wi no get no sliip an wi naa no fuud fi iit, bot wi stil a wok.

Filipiyan 1:13

Matarafak aal a di speshal suoja dem we gyaad di suoja kyamp wich paat mi de an evribadi els ya nuo se mi get lak op iina prizn kaaz mi a priich bout Jiizas Krais.

2 Timoti 1:17

Wen im riich a Ruom im luk fi mi aad aad an neva tap til im fain mi.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.