Aks 28:23 - Di Jamiekan Nyuu Testiment

²³ So dem set di taim fi miit wid im. Wen dem shuo op a im ous fi di miitn, uol iip muor a dem kom dan di fos taim. Fram maanin til iivnin, Paal taak tu dem an elp dem andastan di mesij bout Gad kindom an Jiizas. An im yuuz di Laa we Muoziz did rait dong, an wa di prafit dem did rait fi get dem fi biliiv se wa im did a tel dem bout Gad kindom a chuu.

Aks 28:23 ပူးပေါင်းရင်းမြစ်များ

Maak 4:34

Evriting im tel dem im yuuz tuori fi tel dem. Bot wen im de mongks im speshal falara dem, im brok dong evriting tu dem fi mek dem andastan.

Luuk 16:28

beg im waan mi faiv breda dem, so dem no kom dong a da plies ya, we evribadi a sofa.’

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Aks 1:3

Afta im did sofa an ded pan di kraas, im kom bak alaiv an shuo imself tu im apasl dem. Im pruuv tu dem iina nof difrant wie se im alaiv. Fi bout faati die im kip aan a shuo op mongks dem taim afta taim an taak tu dem bout Gad kindom.

Aks 18:28

Im aagyu aad aad wid di Juu dem infronta evribadi, an shuo dem klier klier fram Gad wod se Jiizas a di wan we Gad sen fi siev piipl.

Aks 18:4

Evri Sabat Paal go a di Juu dem choch an go aagyu wid di Juu dem an wid di Griik piipl dem fi chrai win dem uova.

Aks 19:8

So die afta die, fi bout chrii mont, Paal go iina di Juu dem choch an im neva fried fi aagyu wid dem an chrai fi get dem fi biliiv se wa im did a se bout Gad kindom a chuu.

Aks 23:11

Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”

Aks 24:14

Bot wa mi kyan se tu yu a dis, mi worship di Gad we wi faada faada dem worship azkaadn tu da Wie de — di Wie we dem se rang. Mi biliiv evriting we iina di Laa an we di prafit dem rait dong.

Aks 26:6

Nou dem a joj mi kaaz mi biliiv an a luk fi get di sitn dem we Gad pramis fi gi wi faada faada dem.

Aks 28:31

an priich tu dem bout Gad kindom an tiich dem bout di Laad Jiizas Krais. An im neva fried fi tiich bout di Laad Jiizas an notn neva de de fi tap im.

Aks 8:35

So Filip staat a di siem paat we im did a riid an priich tu im di Gud Nyuuz bout Jiizas.

Failiiman 1:2

wi sista Afiya, Aakipos we a suoja laik wi an tu aal a di piipl dem we gyada iina yu yaad fi av choch.

Failiiman 1:22

Wan neda ting, get wan ruum redi fi mi, kaaz mi a uop se Gad wi ansa unu prieya an sen mi bak tu unu.