Aks 28:14 - Di Jamiekan Nyuu Testiment

¹⁴ Wi fain som piipl we biliiv iina Jiizas de an dem beg wi fi tan wid dem fi sevn die. Afta dat wi lef an go a Ruom.

Aks 28:14 ပူးပေါင်းရင်းမြစ်များ

Matyu 10:11

“An wen unu go iina wan toun ar dischrik, fain out uu gud inof fu'unu tan wid, an tan wid dem til unu lef da toun de.

Jan 21:23

So siek-a Jiizas se so, it did a go roun mongks di breda an sista dem se da falara ya neehn a-go ded. Bot a no dat Jiizas did se, im se, “Ef mi waahn im fi liv til mi kom bak, wa mek dat a bada yu?”

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Aks 19:1

Apalos did de a Korint wen Paal did a chravl chuu di ili paat a di konchri an riich a Efisos. Im si som a di piipl dem we biliiv iina Jiizas de,

Aks 20:6

So afta di Paasuova alidie, wi siel fram Filipai. An it tek wi faiv die fi riich a Chuowas an jain di wan dem we did a wiet fi wi, an wi tan de fi sevn die.

Aks 21:4

Afta wi fain di biliiva dem, wi tan wid dem fi sevn die. Di Uoli Spirit shuo di biliiva dem wa did a-go riich Paal iina Jeruusilem, so dem beg im uova an uova no fi go op de.

Aks 28:13

Wi lef de-so an siel tu Rejiyom siti. Di neks die wan chrang chrang briiz we bluo fram di sout tek wi an di sekan die wi riich a Pyutiyoli.

Aks 28:15

Wen di breda an sista dem a Ruom ier bout wi, som a dem kom aal di wie a Apiyos Maakit, an som kom a di plies kaal Chrii In kom miit wi. Wen Paal si dem im tek aat an gi Gad tangks.

Aks 28:21

Di liida dem se, “Wi no get no leta fram Judiya bout yu, an non a di breda dem no kom fram op de kom tel wi notn bad bout yu niida.

Aks 6:3

So breda an sista unu pik sevn man fram mongks unu. Evribadi mos si se dem mek di Uoli Spirit kanchuol dem laif an dem wel waiz. Wi wi put dem inchaaj a da wok ya,

Aks 9:30

Wen di piipl we biliiv iina Jiizas fain out se di Juu dem did a chrai fi kil Saal, dem tek im dong a Sesuriiya an sen im we go a Taasos.

Ruoman 1:13

Breda an sista mi waahn unu fi nuo se a nof taim mi mek fi kom si unu bot sopm aalwiez tap mi fram kom. Mi wel waahn fi kom si unu, so dat mi kyan elp di piipl mongks unu fi biliiv an fala Jiizas Krais siem laik ou mi elp di res a piipl dem we a no Juu fi biliiv an fala Jiizas.