Aks 27:4 - Di Jamiekan Nyuu Testiment

⁴ Afta dat wi siel out an stie pan di sief said a Saipros kaaz di briiz did tuu chrang fi wi.

Aks 27:4 ပူးပေါင်းရင်းမြစ်များ

Matyu 14:24

Az fi di buot, bai nou dat did de wie out iina di sii, faar fram lan an di wiev did a bata-bata it, kaa di briiz did a bluo gens dem.

Maak 6:48

Im kuda si se dem did a chogl aad fi ruo di buot kaaz di briiz did a bluo gens dem. Wen die did suun lait, Jiizas waak pan tap a di waata go out wich paat dem de, kaaz im did waahn paas dem.

Luuk 8:22

Wan die, Jiizas an im speshal falara dem did go iina wan buot an im se tu dem, “Mek wi go uova di ada said a di liek.” So dem go.

Aks 13:4

Di Uoli Spirit sen out di tuu a dem an dem lef go dong a Siluukiya an fram de-so dem siel go Saipros.

Aks 15:39

Paal an Baanabas kech op an tingz get so bad dat dem kudn sekl it. So Baanabas tek Maak wid im an siel go a Saipros,

Aks 21:16

Som a di biliiva dem fram Sesuriiya kom wid wi tu an liid wi go a Nieson ous we wi did fi stie. Nieson did kom fram Saipros an im a did wan biliiva fram wie bak wen.

Aks 21:3

Wen wi riich we wi kuda si Saipros, an wi paas it pan di lef-an-said, wi siel go a Siriya. Wi tap a Taiya, kaaz di ship did fi lef di sitn dem we it did a kyari de.

Aks 27:7

Di briiz did so chrang dat fi kopl die, wi did afi siel sluo sluo so wi bieli manij fi riich nier Naidos toun. Kaaz di briiz did stil so chrang, wi kudn go no forda, wi did afi siel pan di sief said a Kriit nier Salmuoni.

Aks 4:36

So Juozif, wan man fram Saipros we elp tek kier a Gad ous, an we di apasl dem kaal Baanabas (Baanabas miin Bwai pikni we push piipl fi gwaan chos iina Gad),