Aks 27:3 - Di Jamiekan Nyuu Testiment

³ Di neks die wi tap a Saidan. Juuliyos did kain tu Paal an lou im fi go luk fi im fren dem so dem kuda gi im di sitn dem we im niid.

Aks 27:3 ပူးပေါင်းရင်းမြစ်များ

Matyu 11:21

Im se, “Chobl fi yu, Korazin! Chobl fi yu Betsieda! Ef di piipl dem we liv iina Taiya an Saidan did si di mirikl dem we unu si mi du mongks unu, dem wuda sari fi dem rang an chienj dem wiez lang taim. Dem wuda put ashiz pan demself an wier krokos bag fi shuo se dem miin it.

Aks 12:20

Erad did riili riili beks wid di piipl dem fram Taiya an Saidan. So di piipl dem jain op tugeda iina wan gruup an go fi miit di King. Bot fos dem manij fi get Blastos, we di inchaaj a di king palis, fi elp dem. Den dem go beg di king paadn an mek piis wid im, kaaz dem get fi dem fuud fram di king konchri.

Aks 24:23

So im aada di ed fi onjrid suoja fi gyaad Paal, bot fi gi im likl spies, an no tap non a im fren dem fram elp im non at aal.

Aks 27:1

Afta dem mek op dem main se wi shuda siel go Itali, dem ton Paal an som ada prizna uova tu Juuliyos wan ed fi onjrid suoja. Im a did paat a di ruula big big gruup a suoja.

Aks 27:43

Bot di ed fi onjrid suoja neva waahn dem fi kil Paal, so im neva mek di suoja dem kil non a di prizna dem. So im gi aada se aal uu kyan swim fi jomp aaf fos an swim go a lan,

Aks 28:16

Wen wi riich a Ruom, di govament lou Paal fi liv a wan ous im wan, nobadi neehn afi tan de wid im onggl di suoja we gyaad im.