Aks 27:23 - Di Jamiekan Nyuu Testiment

²³ Mi nuo dat kaaz laas nait di Gad we mi bilang tu an we mi sorv sen wan ienjel tu mi an im se tu mi se,

Aks 27:23 ပူးပေါင်းရင်းမြစ်များ

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Aks 12:23

Siem taim wan a di Laad ienjel chraik dong Erad kaaz im tek di priez fi imself insted-a mek di piipl dem priez Gad. Di siknis we im get mek worm staat nyam im til im ded.

Aks 16:17

Shi kip aan a fala baka wi an Paal an a baal out, “Dem man ya a di Muos ai Gad sorvant dem. Dem a priich an a tel unu di wie ou unu fi get siev.”

Aks 18:9

An iina di nait di Laad se tu Paal iina wan vijan, “No fried, taak op an no kip kwaiyat,

Aks 23:11

Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”

Aks 5:19

Bot iina di nait wan a di Laad ienjel dem uopm di prizn duor an let out di apasl dem. Di ienjel se,

Aks 8:26

Nou wan a di Laad ienjel go tu Filip an se tu im, “Git op an go tek di sout ruod, di ruod we go fram Jeruusilem tu Gaaza.” (Piipl no riili yuuz da ruod de agen).

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Ruoman 1:9

Mi sorv Gad wid aal a mi aat. A sorv mi a sorv im wen mi priich di Gud Nyuuz bout im Bwai Pikni, an im nuo se wa mi bout fi se a chuu: Mi aalwiez a tingk bout unu.

Ruoman 6:22

Bot nou, unu frii. Sin no kanchuol unu no muor. Unu a Gad sliev, unu bilang tu im iina evri wie an im kaaz unu fi liv rait. An kaaz unu a liv rait Gad wi mek unu liv fi eva an eva. Dat a we yu get wen yu mek Gad ruul uova yu.

1 Korintiyan 6:20

Gad pie nof fi unu wen im sen im Bwai Pikni fi ded fi unu. So tek kier a unu badi an liv rait so dat piipl wi nuo se unu bilang tu Gad.

2 Timoti 1:3

Evritaim mi prie tu Gad mi memba yu an gi Gad tangks fi yu. Mi prie tu Gad jos laik ou mi granfaada an fi im faada an fi im faada faada dem yuus tu prie, an mi kanchens no bada mi.

2 Timoti 2:24

An Jiizas Krais sorvant dem no fi fait; dem fi kain tu evribadi. Dem fi kyan tiich gud an wen dem a diil wid piipl dem fi tek dem taim wid dem.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.

Taitos 1:1

Taitos, dis a Paal, wan sliev fi Gad an wan a Jiizas apasl. Gad sen mi fi tiich im piipl dem ou fi biliiv iina im muor an fi elp dem andastan Gad wod beta. Im waahn mi fi tiich dem di chuut so dat dem wi liv ou im waahn dem fi liv.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Iibruu 1:14

Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?

Revilieshan 22:16

“A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”