Aks 27:18 - Di Jamiekan Nyuu Testiment

¹⁸ Di neks die di wie di staam did a bata di ship so bad, dem staat fling som a di sitn dem we did de pan di ship iina di sii.

Aks 27:18 ပူးပေါင်းရင်းမြစ်များ

Matyu 16:26

Kaaz wa gud it a-go du sumadi ef dem get di uol worl bot dem luuz dem laif? An wa sumadi kyan gi fi get bak dem laif?

Luuk 12:23

Kaaz laif muo impuotant dan fuud an di badi niid muo dan kluoz.

Luuk 16:8

“Iivn duo di manija did tiif, di maasta big im op kaaz im did sumaat. Di piipl we bilang tu da worl ya, sumaata wen dem a diil wid dem wan aneda, dan Gad piipl.

Aks 27:19

An pan di tord die, dem siem wan tek op som a di sitn dem we a paat a di ship an fling dem iina di sii.

Aks 27:38

Afta dem don nyam aal wa dem waahn, dem fling di res a sitn dem pan di ship iina di waata.

Iibruu 12:1

So laik ou wan kroud a piipl de aal bout roun wi, an dem shuo wi aredi ou fi chos iina Gad, wi afi dash aaf evriting we a sluo wi dong iina da ries ya. Di sin we tai op wi fut iizi iizi, wi afi dash dem aaf man, an ron di ries we de infronta wi an no wier out pan di wie.