Aks 27:17 - Di Jamiekan Nyuu Testiment

¹⁷ Afta dem lif op di likl buot put pan di ship, dem yuuz ruop anda di ship fi tai it op. Dem du dat kaaz dem did fried di ship mait go jam iina di san il nier Libiya we di waata neva diip. Den dem jrap angka an mek di briiz gwaan bluo di ship.

Aks 27:17 ပူးပေါင်းရင်းမြစ်များ

Aks 27:29

Dem did fried se wi did a-go krash pan di riif, so dem jrap fuo a di ship angka dem fram di baka di ship, an prie fi die lait.

Aks 27:41

Bot dem ron iina di san wich paat di waata shalo. Di fronta di ship jam an faasn iina di san an kudn muuv. Di wiev dem krash so aad gens di baka di ship dat it brok op iina piisiz.

Aks 27:26

Bot di ship a-go krash pan wan ailan.”

Aks 27:16

Wi siel paas wan likl ailan niem Kyaada, we wi bieli manij fi kanchuol di likl buot fi di ship an kip it sief.

Aks 27:40

So dem kot aaf di angka dem aafa di ruop an lef dem iina di sii. Dem luus di chien aafa di sitn dem we fi ton di ship, put op di big big piis a klaat we dem yuuz fi kech di briiz, ton roun di ship an ed fi di biich.