Aks 27:12 - Di Jamiekan Nyuu Testiment

¹² Kaaz we di ship did de neva sief fi spen di winta, muos a uu did de pan di ship mek op dem main se dem naa tan de, so di kyaptin siel out. Dem did a luk se som ou dem wuda riich Fiiniks nier Kriit we di briiz did a bluo fram an spen di winta de.

Aks 27:12 ပူးပေါင်းရင်းမြစ်များ

Aks 2:11

(piipl we a Juu an piipl we ton Juu); piipl we kom fram Kriit an piipl we a Arab — wi ier di uol a dem a taak iina fi wi uona langwij bout di powaful sitn dem we Gad du!

Aks 27:13

Wen wan briiz we neva so chrang staat bluo fram di sout, dem tingk se dem kuda siel out laik ou dem did plan, so dem jraa op di ship angka an siel out. Bot dem kip nier Kriit shuor.

Aks 27:21

Nof a di man dem neva fiil fi notn fi iit, so Paal tan op mongks dem an se tu dem se, “Unu shuda did lisn tu mi man wen mi did tel unu se wi neva did fi lef outa Kriit. Kaaz ef unu did lisn, wi neva wuda sofa so an luuz so moch.

Aks 27:7

Di briiz did so chrang dat fi kopl die, wi did afi siel sluo sluo so wi bieli manij fi riich nier Naidos toun. Kaaz di briiz did stil so chrang, wi kudn go no forda, wi did afi siel pan di sief said a Kriit nier Salmuoni.

Aks 27:8

Wi gwaan siel pan di sief said a Kriit an bieli manij fi riich a wan plies niem Fier Ievnz nier Lasiiya toun.

Taitos 1:12

Iivn wan a dem uona prafit dem taak bad bout dem. Im se, “Di Kriitan dem eva a tel lai. Dem liezi an krabit laik. Dem gwaan laik se dem a som wikid wail animal.”

Taitos 1:5

Taitos, mi lef yu a Kriit so yu kuda saat out aal di sitn dem we did lef fi du, an fi pik elda put iina evri toun, laik mi did se.