Aks 27:1 - Di Jamiekan Nyuu Testiment

¹ Afta dem mek op dem main se wi shuda siel go Itali, dem ton Paal an som ada prizna uova tu Juuliyos wan ed fi onjrid suoja. Im a did paat a di ruula big big gruup a suoja.

Aks 27:1 ပူးပေါင်းရင်းမြစ်များ

Matyu 27:54

Wen di ed fi onjrid suoja, an di suoja dem we did de wid im a gyaad Jiizas, si di ortkwiek an aal we did a apm, dem kech dem fried wikid wikid. Ier dem no, “Fi riil, da wan ya did a Gad Bwai Pikni fi chuu!”

Luuk 23:47

Wen di ed suoja fi di aami, si wa apm, im priez Gad an se, “Fi riil da man ya mos a wan gud man we neva du notn rang!”

Luuk 7:2

Wan ed fi onjrid suoja iina Kyaporniyom did av wan sorvant we did sik an bout fi ded. Di ed suoja did riet da sorvant ya nof,

Aks 10:1

Nou yu did av wan man dong a Sesuriiya niem Kaaniiliyos. Im a did paat a wan big gruup a suoja we kom fram Itali, an im a did ed fi onjrid a dem.

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 16:10

Afta Paal get di vijan, wi mek op wi main se Gad did waahn wi fi go priich di Gud Nyuuz tu dem, so wi chrai siem taim fi go a Masiduoniya.

Aks 18:2

Iina Korint Paal miit wan Juu niem Akwila we did baan iina Pontos. Im an im waif Prisila did no tuu lang muuv fram Itali kaaz Klaadiyos did gi aada se aal a di Juu dem fi lef Ruom. Paal jain op wid dem,

Aks 19:21

Afta aal a dem sitn ya apm, Paal mek op im main fi go op a Jeruusilem, so im chravl chuu Masiduoniya an Akaiya. An im se, “Afta mi spen som taim op de, mi afi go a Ruom fi a likl wail.”

Aks 21:32

Im tek som suoja an som a dem liida siem taim an ron dong pan di kroud. Wen di kroud si di ed fi touzn suoja an di ada suoja dem wid im, dem tap biit Paal.

Aks 22:26

Wen di ed fi onjrid suoja ier dis, im go tu di ed fi touzn suoja an tel im wa im ier an aks im se, “Wa yu a-go du? Yu no nuo se da man ya kom fram Ruom?”

Aks 23:11

Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”

Aks 23:17

So Paal kaal wan a di ed fi onjrid suoja an se tu im se, “Kyari da yuut man ya tu di ed fi touzn suoja, kaaz im av sopm fi tel im.”

Aks 24:23

So im aada di ed fi onjrid suoja fi gyaad Paal, bot fi gi im likl spies, an no tap non a im fren dem fram elp im non at aal.

Aks 25:12

So afta Festos taak wid di man dem we elp im fi mek op im main bout wa im a-go du, im se, “Yu se yu waahn mi sen yu go a Siiza, so a Siiza mi a sen yu!”

Aks 25:25

Bot mi fain se im no du notn we wi fi kil im fa, an wen im se im waahn di Ruula Siiza imself fi joj im, mi mek op mi main fi sen im.

Aks 27:11

Bot insted-a lisn tu Paal, di ed fi onjrid suoja lisn wa di kyaptin an di man we uon di ship se.

Aks 27:43

Bot di ed fi onjrid suoja neva waahn dem fi kil Paal, so im neva mek di suoja dem kil non a di prizna dem. So im gi aada se aal uu kyan swim fi jomp aaf fos an swim go a lan,

Aks 27:6

Wen wi tap a Maira di ed fi onjrid suoja si wan ship fram Aligzanjriya we did a go a Itali, so im put wi pan it.

Aks 28:1

Afta aal a wi riich shuor sief, wi fain out fram di piipl dem se di ailan niem Maalta.

Aks 28:16

Wen wi riich a Ruom, di govament lou Paal fi liv a wan ous im wan, nobadi neehn afi tan de wid im onggl di suoja we gyaad im.

Iibruu 13:24

Sen oudi tu aal a unu liida dem an aal a Gad piipl dem. Di wan dem fram Itali sen oudi tu.