Aks 26:6 - Di Jamiekan Nyuu Testiment

⁶ Nou dem a joj mi kaaz mi biliiv an a luk fi get di sitn dem we Gad pramis fi gi wi faada faada dem.

Aks 26:6 ပူးပေါင်းရင်းမြစ်များ

Aks 23:6

Bot wen Paal si se som a dem a did Sadyusii an som a dem a did Farisii, im shout out iina di miitn, “Mi Breda, mi a wan Farisii, an mi faada a wan Farisii tu. A kaaz mi biliiv se ded piipl a-go kom bak alaiv mek dem a joj mi.”

Aks 24:15

Mi an dem man ya biliiv di siem ting. Wi a wiet an a luk fi Gad mek ded piipl kom bak alaiv, weda dem did gud ar bad.

Aks 24:21

Di onggl ting dem kyan se a dat mi baal out iina dem miitn an se: ‘A kaaz mi biliiv se ded piipl a-go kom bak alaiv mek unu de ya tide a joj mi.’ ”

Aks 26:8

Wa mek unu Juu mek op unu main no fi biliiv se Gad mek sumadi we ded kom bak alaiv?

Aks 28:20

A dat mek mi aks unu fi miit wid mi. Matarafak, dem tek mi ton prizna an put mi iina dem chien ya siek-a di wan we di Izrel piipl dem a wiet fa an a luk fi kom.”

Aks 3:24

“An aal a di prafit dem, fram Samwel kom dong, taak bout di sitn dem we a apm iina dem taim ya lang bifuo dem apm.

Ruoman 15:8

Kaaz mi a tel unu, Krais Jiizas did kom fi elp di Juu dem. Im did kom fi shuo dem se Gad wi aalwiez du wa im se im a-go du — im did kom fi shuo dem se Gad wuda du aal we im did pramis di Juu dem faada faada go bak se im wuda du.

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

Taitos 2:13

It a tiich wi wail wi wiet an luk faawod fi di die wen wi laad an sievya Jiizas Krais kom bak iina aal a im powa.