Aks 26:29 - Di Jamiekan Nyuu Testiment

²⁹ So Paal ansa se, “Mi prie Gad se no onggl yu bot aal uu a lisn mi tide wuda ton jos laik mi, weda iina no taim ar aal ef it tek lang. A onggl wan ting mi no waahn, mi no waahn unu fi chien op laik mi.”

Aks 26:29 ပူးပေါင်းရင်းမြစ်များ

Jan 5:34

A no se mi waahn piipl fi taak bout mi. Mi onggl a tel unu bout dis, so Gad kyan siev unu.

Aks 12:6

Pan da siem nait de, di nait bifuo Erad did plan fi joj Piita infronta evribadi, Piita did a sliip bitwiin tuu suoja. Dem did tai im op wid tuu chien an dem did av tuu suoja infronta di duor a gyaad di prizn.

Aks 21:33

Den di ed fi touzn suoja kom an ares im an aada di ada suoja dem fi tai im op wid tuu chien. Den im aks a uu da man ya an a wa im du.

Aks 25:14

Afta dem did de de fi a gud wail, Festos tel di King bout Paal, di Juu dem, an aal wa did a gwaan, kaaz im did waahn fi nuo wa di King tingk. So im tel im se, “Fiiliks lef wan prizna ya.

Ruoman 10:1

Breda an sista, wid aal a mi aat mi a uop an a prie tu Gad se fi mi piipl, di piipl a Izrel, wi get siev.

1 Korintiyan 4:8

Uo! So unu av aal we unu kuda waahn aredi! An unu don rich! Wos unu ton king lef wi. Mi wish se unu did riili ton king fi chuu, so dat wi kuda ton king wid unu tu.

1 Korintiyan 7:7

Mi wish se evribadi wuda stie laik mi — mi no marid. Bot Gad mek evribadi difrant, im mek som piipl tan da wie ya an im mek som piipl tan da wie de.

2 Korintiyan 11:1

Mi uop se unu wi tek taim wid mi iivn ef unu tingk se wa mi bout fi se a fuulinish. Mi se fi tek taim wid mi!

Ifiijan 6:20

kaaz a dat Krais Jiizas pik mi an mek mi wan a im apasl fa. An a dat dem lak mi op iina prizn fa. So prie se mi wi priich di Gud Nyuuz di wie ou mi fi priich it an no fried a notn.

Koloshan 1:28

Wi pred di mesij bout im. Wi waan piipl an tiich piipl bout wa dem no fi du an wa dem fi du. Wen wi waan an tiich, wi yuuz aal a di sens dem we Gad gi wi. An wi du aal a dis ya so evribadi kyan kom kluos tu Krais Jiizas, an kyan kom ton ou Gad waahn dem fi ton, an no shaat a notn wen wi tek dem go infronta Gad.