Aks 26:20 - Di Jamiekan Nyuu Testiment

²⁰ So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Aks 26:20 ပူးပေါင်းရင်းမြစ်များ

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 3:8

Du di sitn dem we shuo se unu riili tap sin.

Matyu 4:17

Fram da taim de, Jiizas staat priich da mesij ya: “Ton we fram unu sin an chienj unu wiez, kaa di die suun kom wen evn a-go ruul uova di worl iina evri wie!”

Matyu 9:13

Gwaan go fain out a wa dis miin: ‘Mi waahn piipl fi gud an kain tu piipl, no fi dem kom kom bon sakrifais gi mi.’ Kaaz mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Maak 6:12

So dem lef an staat fi priich se evribadi fi ton we fram dem sin an ton tu Gad.

Luuk 1:16

Im a-go bring bak uol iip a Izrel piipl tu di Laad, we a dem Gad.

Luuk 13:3

Nuo! Mi tel unu, bot ef unu no sari fi di rang we unu du an chienj unu wiez, unu a-go ded siem wie laka dem.

Luuk 13:5

Nuo, mi tel unu! Bot ef unu no sari fi di rang we unu du an chienj unu wiez, unu a-go ded siem wie laka dem.”

Luuk 15:10

Mi a tel yu a siem wie Gad ienjel dem api wen wan sina ton tu Gad.”

Luuk 15:7

Jiizas se tu dem se, “Mi a tel unu, a siem wie evn a-go selibriet uova wan sina we ton tu Gad dan uova nainti-nain piipl we du rait an we na'av notn fi sari fa.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 15:19

So Jiemz se tu dem se, “Ier mi nou, mi fiil se wi fi lef di piipl we a no Juu an no chrai fi mek it aad fi dem ton tu Gad.

Aks 17:30

So fos taim wen piipl neva nuo Gad, im neva ponish dem. Bot nou im a aada evribadi evriwe fi ton we fram dem sin an beg Gad paadn,

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Aks 26:17

Mi a-go siev yu fram yu uona piipl an fram di piipl we a no Juu, we mi a-go sen yu tu.

Aks 26:19

“So King Agripa, di wan we kom fram evn we mi si iina mi vijan, mi du wa im se.

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Aks 9:35

Evribadi we liv iina Lida an Sheran ton tu di Laad wen dem si wa apm tu im.

Ruoman 2:4

Gad tek im taim wid unu, im put op wid unu an im no ponish unu siem taim wen unu du rang. Unu no si se Gad gud tu unu? Ar a kier unu no kier bout dem sitn de? Unu no si se Gad kain tu unu, kaaz im chrai fi get unu fi ton we fram sin an sari fi di rang we unu du?

2 Korintiyan 3:16

Bot wen yu biliiv iina di Laad, im tek we da piis a klaat de.

2 Korintiyan 7:10

Kaaz ef sumadi a sin, an dem sari fi wa dem du laik ou Gad waahn dem fi sari, dem wi ton we fram dem sin an beg Gad fi paadn dem. An wen dem du dat Gad wi siev dem. Nobadi naa go se dem sari se dat apm. Bot ef sumadi a sin an no sari ou Gad waahn dem fi sari, dem a-go gwaan sin an dem naa go get siev. Dem a-go ded.

Ifiijan 4:17

So, lisn nou! Mi a Gad sorvant so mi av di rait fi tel unu wa unu fi du. Unu no fi liv no muo laik di piipl dem we no nuo Gad. We dem piipl de main tel dem fi du no mek no sens.

1 Tesaluoniyan 1:9

kaaz dem siem wan taak bout ou unu chriit wi gud wen wi did kom wich paat unu de. Dem taak bout ou unu ton we fram unu faalz gad dem, fi kom sorv Gad — di riil Gad we no ded an we gi laif.

Revilieshan 16:11

Siek-a ou dem a sofa an di suor we dem av, dem kos aaf Gad we iina evn, bot dem stil wudn ton we fram di torbl sitn we dem did a du.

Revilieshan 2:21

Mi gi ar taim fi chienj ar wiez an fi shuo se shi sari fi di rang we shi a du, bot shi aad-iez an no waahn gi op ar seks sin dem.

Revilieshan 2:5

So memba ou faar unu jrap bak fram di lov unu yuuz tu av fi wan aneda. Ton we fram unu sin an staat du di rait sitn dem we unu yuus tu du wen unu did jos get siev. Ef unu no du dat, mi a-go kom tek we unu guol sitn we unu yuuz fi uol kyanggl fram we it de.

Revilieshan 3:3

So memba di mesij we unu did ier an biliiv; du we it se, ton we fram unu sin. Ef unu no wiek op, mi a-go kom tu unu laik wan tiif, an unu naa go nuo di taim wen mi a-go kom gens unu.