Aks 25:6 - Di Jamiekan Nyuu Testiment

⁶ Afta Festos tan mongks dem fi bout iet ar ten die im lef an go a Sesuriiya. Di neks die im tek im siit iina di kuot an gi aada fi Paal kom infronta im so im kyan joj im.

Aks 25:6 ပူးပေါင်းရင်းမြစ်များ

Matyu 27:19

Wen Pailat de de a sidong iina im speshal siit az joj fi di kies, im waif sen im da mesij ya: “No av notn fi du wid da man de kaa im no du notn rang. Mi av wan bad bad jriim bout im tide. Laaks! It mek mi sofa.”

Jan 19:13

Wen Pailat ier dem se dat de, im tek Jiizas go outa duor an den im go sidong iina di joj siit we de a di plies we dem kaal “Stuon Fluor.” (Iina di Iibruu langwij it niem Gabata).

Aks 25:1

Chrii die afta Festos riich iina di konchri, im go a Jeruusilem fram Sesuriiya.

Aks 25:10

Paal ansa im se, “Mi tan op iina Siiza kuot rait ya nou an a ya-so mi fi get joj. Mi no du notn rang tu di Juu dem, an yu wel an nuo dat.

Aks 25:17

So afta dem kom ya wid mi, mi neva wies no taim. Di neks die mi gi aada fi dem bring im a kuot fi mi joj im.

Aks 25:4

Den Festos tel dem se, “Paal de a prizn a Sesuriiya an mi out fi go dong de suun.

Aks 25:5

So mek unu liida dem go dong de wid mi an ef da man ya did du notn rang, dem kyan se wa im du.”

Aks 8:40

Den Filip si se Gad Spirit tek im go a Azuotos. Fram de-so im gwaan priich Gad wod tu aal di toun dem til im riich a Sesuriiya.

2 Korintiyan 5:10

Kaaz aal a wi a-go afi tan op infronta Krais Jiizas, an im a-go joj wi. An weda gud ar bad, im a-go pie bak evri wan a wi fi di sitn dem we wi du wen wi did de pan ort.

Jiemz 2:6

Bot unu shiem puo piipl. Tel mi sopm, no di siem rich piipl dem a presha unu an a jrag unu go a kuot ous?