Aks 25:3 - Di Jamiekan Nyuu Testiment

³ Dem beg Festos fi du sitn speshal fi dem. Dem beg im fi gi aada fi Paal kom baka Jeruusilem. Dem du dat kaaz dem did av a plan fi gyang op an kil im bifuo im kuda riich.

Aks 25:3 ပူးပေါင်းရင်းမြစ်များ

Aks 9:24

Bot Saal did fain out bout it. Die an nait dem wach di siti giet fi si ef dem kuda kech im fi kil im.

Ruoman 3:8

Ef unu a go se dat, mek unu no jos se, “Kom mek wi go du aal kain-a wikid sitn, so dat wi wi kaaz nof gud sitn fi apm” — no dat som piipl we lov tel lai pan wi, a kliem se wi se. Dem piipl de, Gad a-go ponish dem — dem a-go get jos wa dem fi get.

Aks 9:2

an aks im fi gi im leta fi kyari go gi di liida fi di Juu dem choch a Damaskos. So dat ef im fain nobadi we a fala wa Jiizas tiich, weda man ar uman, im wuda ares dem an kyari dem bak go a Jeruusilem.

Jan 16:3

Dem a-go du aal a dem sitn ya, kaa dem no nuo mi ar mi Faada.

2 Korintiyan 11:26

Nof taim wen mi a chravl, mi aalmuos ded. Riva nieli tek mi laif. Tiif chrai kil mi. Mi uona piipl di Juu dem an aal piipl we a no Juu chrai fi kil mi tu. Mi no sief iina di siti. Mi no sief iina di dezot. Mi de a sii, mi aalmuos ded. Mi aal av piipl we gwaan laik dem a mi breda, bot a kil dem waahn fi kil mi.