Aks 25:23 - Di Jamiekan Nyuu Testiment

²³ Di neks die wen King Agripa an Borniis did a kom di piipl dem du aal saat a sitn fi big dem op an welkom dem. So dem go iina di plies we di piipl dem gyada op fi kip kuot. Aal a di ed fi touzn suoja an di big impuotant man dem iina di siti go wid dem tu. Den Festos aada di suoja dem fi kyari iin Paal.

Aks 25:23 ပူးပေါင်းရင်းမြစ်များ

Aks 26:30

So di King, di govana, Borniis an aal uu did sidong de wid dem get op,

Aks 25:13

Afta kopl die wel, King Agripa an Borniis kom a Sesuriiya fi welkom Festos.

1 Jan 2:16

Aal a di sitn dem iina di worl: di wie unu waahn fi du aal kain-a rang sitn, di sitn dem we unu red yai fa, an ou unu lov fi buos bout wa unu av — dem no kom fram di faada, dem sitn de kom fram di worl.

1 Piita 1:24

Gad wod se, “Evri man an uman a laik graas, an aal dem gud luks, an di big op we dem get tan laik wail flowaz. Di graas jrai op an di flowaz jrap a grong,

Jiemz 1:11

Wen di son kom op an jrai op di plaant dem, di flowaz jrap aaf so it no priti no muo. A di siem ting a-go apm tu rich piipl we bizi a luk bout dem bizniz.

1 Korintiyan 7:31

Di piipl dem we a wok aad so dem kyan liv gud, unu no fi spen aal a unu taim a wori bout di sitn dem we de iina da worl ya. Kaaz da worl ya naa go tan so fi eva — it suun ded an gaan.

Aks 12:21

Wen di die kom we Erad did set fi miit wid dem, im put aan im speshal king kluoz, sidong pan im speshal siit fi joj an taak tu di piipl dem.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Maak 6:21

Bot Eruodiyas get ar chaans pan di die wen Erad did a kip op im bortdie paati. Aal a di tap man dem iina di govament, di tap aami piipl dem, an di liida dem fram Gyalalii did de a di paati.