Aks 25:11 - Di Jamiekan Nyuu Testiment

¹¹ Ef mi rang an du notn we dem shuda kil mi fa, mi naa chrai fi ron we. Bot ef mi neva du non a di sitn dem we dem se, nobadi kyaahn ton mi uova tu dem. So sen mi go a Siiza, mek im joj mi.”

Aks 25:11 ပူးပေါင်းရင်းမြစ်များ

Aks 28:19

Bot di Juu dem neva waahn di liida dem fi let mi go, so mi did afi tel di liida dem se mi waahn Siiza fi joj mi imself. Bot mi no av notn gens mi uona piipl.

Aks 26:32

Agripa se tu Festos se, “Ef da man ya neva aks fi Siiza di ruula joj im, wi kuda let im go.”

Aks 25:25

Bot mi fain se im no du notn we wi fi kil im fa, an wen im se im waahn di Ruula Siiza imself fi joj im, mi mek op mi main fi sen im.

Aks 25:21

Bot wen Paal aks mi fi uol im til Siiza kuda joj im, mi gi aada fi dem gyaad im so til mi kuda sen im go a Siiza.”

1 Tesaluoniyan 2:15

A dem siem Judiyan piipl de kil aaf di Laad Jiizas; dem did kil di prafit dem tu. An den dem kom kom mek wi sofa. Dem mek Gad beks bad! An dem an nobadi a no fren!

Aks 25:10

Paal ansa im se, “Mi tan op iina Siiza kuot rait ya nou an a ya-so mi fi get joj. Mi no du notn rang tu di Juu dem, an yu wel an nuo dat.

Aks 22:25

Afta dem tai im op an chrech im out fi biit im, Paal aks di ed fi onjrid suoja we did tan op de, “Di Laa gi yu no rait fi biit mi, wan man we kom fram Ruom, wen yu no iivn kyari mi go a kuot an se mi gilti fi notn?”

Aks 18:14

Bot jos az Paal did bout fi se sopm, Gyaliyo se tu di Juu dem se, “Ef a did sopm bad ar sopm wikid im did du, it wuda rait fi mi lisn tu unu.

Aks 16:37

Bot Paal se tu di poliis man dem se, “Dem biit wi op iina di uopm infronta evribadi wen dem neva iivn chrai wi fi si ef wi did du notn rang — iivn duo a Ruom wi kom fram an dem lak wi op iina prizn. An nou dem waahn fi aid an sen wi we. Dem mosi mad! Dem afi kom liid wi out demself!”

Aks 25:12

So afta Festos taak wid di man dem we elp im fi mek op im main bout wa im a-go du, im se, “Yu se yu waahn mi sen yu go a Siiza, so a Siiza mi a sen yu!”