Aks 25:10 - Di Jamiekan Nyuu Testiment

¹⁰ Paal ansa im se, “Mi tan op iina Siiza kuot rait ya nou an a ya-so mi fi get joj. Mi no du notn rang tu di Juu dem, an yu wel an nuo dat.

Aks 25:10 ပူးပေါင်းရင်းမြစ်များ

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.

Aks 28:18

Afta dem kwestiyan mi an fain out se mi neva du notn rang we wuda gi dem di rait fi kil mi, dem did waahn fi let mi go.

Aks 26:31

an wen dem did a lef dem se tu dem wan aneda se, “Da man ya naa du notn we im shuda get lak op fa, ar we im fi ded fa.”

Aks 25:25

Bot mi fain se im no du notn we wi fi kil im fa, an wen im se im waahn di Ruula Siiza imself fi joj im, mi mek op mi main fi sen im.

Matyu 27:18

(Kaaz Pailat nuo se dem onggl bring iin Jiizas kaa dem bad main.)

Aks 25:17

So afta dem kom ya wid mi, mi neva wies no taim. Di neks die mi gi aada fi dem bring im a kuot fi mi joj im.

Aks 25:6

Afta Festos tan mongks dem fi bout iet ar ten die im lef an go a Sesuriiya. Di neks die im tek im siit iina di kuot an gi aada fi Paal kom infronta im so im kyan joj im.

Aks 23:29

Mi fain se som a di Juu dem did a aagyu wid im bout som sitn fi du wid dem Laa, bot im neehn du notn fi wi kil im ar lak im op fa.

Matyu 27:19

Wen Pailat de de a sidong iina im speshal siit az joj fi di kies, im waif sen im da mesij ya: “No av notn fi du wid da man de kaa im no du notn rang. Mi av wan bad bad jriim bout im tide. Laaks! It mek mi sofa.”