Aks 25:1 - Di Jamiekan Nyuu Testiment

¹ Chrii die afta Festos riich iina di konchri, im go a Jeruusilem fram Sesuriiya.

Aks 25:1 ပူးပေါင်းရင်းမြစ်များ

Aks 18:22

an wen im riich a Sesuriiya, im go op a Jeruusilem go tel di choch piipl oudi. Den im lef go dong a Antiyak.

Aks 21:15

Afta dat wi get wi sitn dem an shub out go a Jeruusilem.

Aks 23:34

Afta di govana riid di leta, im aks Paal wich konchri im kom fram. Wen im fain out se Paal kom fram Silisiya,

Aks 24:27

Afta tuu ier paas, Porshiyos Festos ton di nyuu govana an tek uova fram Fiiliks. Bot kaaz Fiiliks did a chrai fi kori fieva wid di Juu dem, im lef Paal iina prizn.

Aks 25:13

Afta kopl die wel, King Agripa an Borniis kom a Sesuriiya fi welkom Festos.

Aks 25:4

Den Festos tel dem se, “Paal de a prizn a Sesuriiya an mi out fi go dong de suun.

Aks 25:5

So mek unu liida dem go dong de wid mi an ef da man ya did du notn rang, dem kyan se wa im du.”

Aks 25:6

Afta Festos tan mongks dem fi bout iet ar ten die im lef an go a Sesuriiya. Di neks die im tek im siit iina di kuot an gi aada fi Paal kom infronta im so im kyan joj im.

Aks 8:40

Den Filip si se Gad Spirit tek im go a Azuotos. Fram de-so im gwaan priich Gad wod tu aal di toun dem til im riich a Sesuriiya.