Aks 24:5 - Di Jamiekan Nyuu Testiment

⁵ “Wi fain se da man ya a wan wikid wikid chobl-meka we a rail op di Juu dem aal uova di worl, an im a wan ring liida fi wan paati we dem kaal di Nazariin.

Aks 24:5 ပူးပေါင်းရင်းမြစ်များ

Matyu 10:25

Fi di falara kom ton laik im tiicha — di falara no waahn muo dan dat, an fi di sliev kom ton jos laik im maasta, di sliev sopuoz fi aarait wid dat. Ef piipl kaal di ed fi di ous ‘Belzibul, di diiman ruula,’ a wich wosa niem dem a-go kaal di res a im fambili dem?

Matyu 2:23

Im kom a wan toun niem Nazaret an tan de-so. A so kom wa di prafit dem did se kom chuu. Azkaadn tu di prafit dem, dem a-go kaal Jiizas wan Nazariin man.

Maak 1:24

“Jiizas a Nazaret, wa yu waahn wid wi? A kom yu kom fi kil wi aaf? Mi nuo uu yu bi! Yu a di Uoli Wan we kom fram Gad!”

Luuk 23:19

(Barabas did iina prizn kaaz im liid piipl fi fait gens dem ruula, an im did kil piipl.)

Luuk 23:2

Dem staat tel bier lai pan Jiizas se, “Wi kech da man ya a chrai fi mek di piipl dem go gens di govament. Im waahn wi fi tap pie taks tu Siiza di Ruoman ruula an kliem se im a Krais — bout im a King.”

Luuk 23:25

Im let go di man we dem did aks fa. Di wan we did mek piipl fait gens dem ruula an we did morda piipl. An Pailat gi dem Jiizas fi du wa dem waahn du wid im.

Luuk 23:5

Bot dem stil a push, “Im rail op di piipl aal uova Judiya wid we im tiich. Im staat iina Gyalalii an kom aal di wie op ya-so wid it.”

Aks 15:5

Den som a di choch piipl dem we a paat a di Farisii gruup tan op an se, “Di piipl we a no Juu afi get sorkomsaiz an wi afi aada dem fi kip Muoziz Laa tu.”

Aks 21:28

an staat baal out, “Aal uu a Juu, unu kom elp wi diil wid da man ya! A da man ya a tiich evribadi evriwe fi ton gens wi piipl, wi Laa, an da uoli plies ya! An fi mek it wosa, im aal kyari som Griik piipl go iina di paat a Gad ous we di Laa se onggl Juu fi go, an mek it no uoli no muor.”

Aks 22:22

Di kroud did a lisn tu Paal til im taak bout se di Laad sen im tu di piipl we a no Juu. Den dem staat baal out pan tap a dem vais, “Da man ya fi ded, kil im! Aal im so — aal im no fi liv!”

Aks 24:14

Bot wa mi kyan se tu yu a dis, mi worship di Gad we wi faada faada dem worship azkaadn tu da Wie de — di Wie we dem se rang. Mi biliiv evriting we iina di Laa an we di prafit dem rait dong.

Aks 24:4

Bot mi no waahn tek op tu moch a yu taim, so mi a beg yu, lisn tu wi likl bit muor kaaz yu aalwiez shuo gud fies aal wen wi no dizorv it.

Aks 25:7

Wen Paal kom iin, di Juu dem we did kom dong fram Jeruusilem tan op roun im. Dem staat tel di govana som torbl sitn we dem se Paal du. Bot dem kudn pruuv notn we dem se.

Aks 26:5

Dem nuo, kaaz dem nuo mi fram lang lang taim. An ef dem waahn dem kyan tel yu ou mi liv azkaadn tu di gruup mongks wi piipl we fala di Laa tu a tii, kaaz mi a wan Farisii.

Aks 28:22

Bot wi wuda laik fi ier wa yu tingk, kaaz wi nuo se piipl evriwe taak gens da gruup ya we yu bilang tu.”

Aks 5:17

Den di liida fi di priis dem an di Sadyusii dem we did a fala im did wel beks kaaz evribadi did api wid di apasl dem.

Aks 6:13

Dem kyari iin som man fi tel lai pan Stiivn. Dem se, “Da man ya no tap taak torbl sitn gens da plies ya we uoli, an gens di Laa we Gad gi Muoziz fi gi wi.

1 Korintiyan 11:19

Mi no fraitn fi ier se unu plit op iina gruup kaaz a so wi a-go nuo uu Gad riili api wid.

1 Korintiyan 4:13

Wen piipl tel lai pan wi, wi stil taak tu dem nais. Aal nou di worl gwaan laik se wi a jos gyaabij, wi komiin laik jregs we lef bak.

1 Piita 2:19

kaaz Gad api wid di piipl dem we du dat. An im a-go bles enibadi we put op wid di sofarieshan, iivn duo dem no dizorv it bot put op wid it siem wie kaaz dem nuo se a dat Gad waahn dem fi du.