Aks 24:25 - Di Jamiekan Nyuu Testiment

²⁵ Wail Paal did a taak bout wa it miin fi sumadi du we rait, kanchuol demself, an di die wen Gad a-go joj evribadi fi aal we dem du, weda gud ar bad, Fiiliks kech im fried an se tu Paal se, “Dat inof fi nou. Yu kyan lef. Wen mi fain taim mi wi sen fi yu agen.”

Aks 24:25 ပူးပေါင်းရင်းမြစ်များ

Jan 16:8

Wen im kom, im gweehn mek di piipl dem iina di worl nuo se dem rang bout sin, dat dem rang bout ou sumadi kyan get rait iina Gad yai an rang bout ou Gad joj piipl.

1 Piita 3:15

Unu fi andastan se Krais Jiizas a di onggl Laad, an worship im wan. An unu fi aalwiez redi fi ansa enibadi we aks unu a wa mek unu chos iina Krais Jiizas so.

2 Piita 1:6

An no jos nuo bout Gad niida, bot unu fi nuo ou fi kanchuol unuself tu. No jos nuo ou fi onggl kanchuol unuself, bot unu fi chrai aad tu fi chos iina Gad an pres aan no mata wa. Unu fi gi Gad evri paat a unu laif an du wat-eva im waahn unu fi du.

Gyalieshan 5:23

Di Spirit mek dem jengkl an mek dem nuo ou fi kanchuol demself. No Laa no de bout we wi tap yu fram liv so.

Aks 10:42

Jiizas aada wi fi priich tu di piipl an fi mek dem nuo se a im a di wan we Gad pik fi joj piipl we a liv an piipl we ded.

1 Jan 3:7

Mi pikni, no mek nobadi fuul unu op. Enibadi wa du wa rait a dem gud iina Gad yai, jos laik ou Jiizas gud iina Gad yai.

Jiemz 2:19

Yu biliiv se a onggl wan Gad de — gud! Aal di diiman dem biliiv dat an chrimbl.

Iibruu 9:27

An jos laik ou wi nuo fi shuor se a wan taim evribadi a-go ded an den Gad a-go joj dem,

Iibruu 4:1

So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

Iibruu 3:13

Insted-a dat, elp unu wan aneda evridie, so langks a ‘Tide’ it niem, so sin no ful op non a unu aat, an mek it tof op.

Gyalieshan 3:22

Bot a no so it go. Iina Gad wod it rait dong se, sin av powa uova evribadi iina di worl, it komiin laik se wi iina prizn. An so Gad pramis fi siev wi an mek wi liv fi eva ef wi biliiv iina Jiizas Krais.

2 Korintiyan 5:10

Kaaz aal a wi a-go afi tan op infronta Krais Jiizas, an im a-go joj wi. An weda gud ar bad, im a-go pie bak evri wan a wi fi di sitn dem we wi du wen wi did de pan ort.

1 Jan 3:10

Wi kyan nuo uu a Gad pikni fram uu a di Devl pikni. Enibadi we no du wa rait iina Gad yai, an we no lov dem breda an sista, dem a no Gad pikni.

2 Timoti 4:1

Wen Jiizas di King kom bak fi ruul, im a-go joj di piipl dem we a liv an di piipl dem we ded. So infronta Gad an Jiizas Krais, mi a beg yu

2 Korintiyan 6:2

Kaaz Gad se, “Wen a did taim fi mi shuo yu gud fies, mi lisn tu yu prieya dem an ansa dem. Wen di die kom fi mi siev yu, mi elp yu.” Unu lisn mi! Nou a di taim fi Gad shuo unu gud fies. Tide a di die fi unu get siev.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

Aks 24:15

Mi an dem man ya biliiv di siem ting. Wi a wiet an a luk fi Gad mek ded piipl kom bak alaiv, weda dem did gud ar bad.

Aks 17:32

Wen dem ier se man ded an kom bak alaiv, som a dem laaf an aal tek im mek preke, bot som a dem se, “Wi wi ier som muor bout dis fram yu wan neks taim.”

Aks 17:2

An laik im aalwiez du, Paal go iina di Juu dem choch. Fi chrii Sabat im yuuz Gad wod fi aagyu wid dem.

Aks 2:37

Wen di piipl dem ier di sitn dem we Piita se, a laik sitn tab dem iina dem aat. So dem aks Piita an di ada apasl dem se, “Wi breda, wa wi fi du?”

Iibruu 6:2

Wi shudn afi a tiich nou bout ou wi fi baptaiz, ar ou fi put an pan piipl wen dem a baptaiz an prie fi Gad bles dem, ar se ded piipl a-go kom bak alaiv an dat Gad a-go joj piipl — an a wa im mek op im main pan a-go laas fi eva. Nuo sa! wi shudn afi a tiich dem sitn de agen.

Iibruu 12:21

Az a matarafak wa did a gwaan did fraitn di piipl dem so moch, Muoziz se, “Mi a shiek di wie mi fried.”

Ruoman 14:12

So den evribadi afi go ansa tu Gad fi demself.

Ruoman 12:1

So den breda an sista, sins Gad gud an kain tu unu nof nof, mi a beg unu du, gi op unu laif tu Gad laik wan sakrifais — wan sakrifais we alaiv, we de de fi sorv Gad an we Gad kyan api wid. Dat a ou unu fi worship Gad.

Ruoman 2:16

Di siem ting we mi priich a di siem ting we a-go apm pan di die wen Jiizas kom bak fi joj di worl. Im a-go joj piipl bies pan wa dem tingk an wa dem du, iivn di sitn dem we dem du iina siikrit.

Aks 26:28

Agripa se tu Paal se, “So iina no taim yu a chrai ton mi iina sumadi we biliiv iina Jiizas?”

Aks 17:13

Bot wen di Juu dem fram Tesalonaika ier se Paal did a priich Gad wod iina Beriya, dem kom de-so tu fi kom rail op di kroud.

Aks 9:6

Git op an go iina di toun. Sumadi iin de wi tel yu wa yu mos du.”

Matyu 22:5

“Bot dem neva weehn a tek im aan at aal, an dem lef go we sed wie. Som go a dem faam, som did av bizniz fi tek kier a.

Aks 24:26

Bot im did a uop se Paal wuda pie im aaf fi im let im go, so im sen fi im an taak wid im agen an agen.

Taitos 1:8

Insted-a dat, di elda mos uopm op im ous tu piipl, lov du gud sitn an im aat mos kliin. Im mos fier tu evribadi an im mos nuo ou fi kanchuol imself an du we im nuo iina im main rait an no fala wa im badi waahn fi du.