Aks 24:12 - Di Jamiekan Nyuu Testiment

¹² Dem neva fain mi a aagyu wid nobadi ar a rail op no kroud iina Gad ous, iina di Juu dem choch, ar no we els iina di siti.

Aks 24:12 ပူးပေါင်းရင်းမြစ်များ

Aks 25:8

So Paal taak op fi imself an se, “Mi no du notn rang gens di Juu dem, mi no brok non a dem Laa, ar du notn we wuda mek Gad ous no kliin no muor, ar se notn bad gens Siiza.”

Aks 28:17

Chrii die afta dat, Paal sen kaal di Juu liida dem iina di ieriya fi miit wid im. Wen dem kom im se tu dem se, “Mi breda, mi neva du notn rang gens wi piipl. Mi neva se notn rang bout di wie wi faada faada dem did liv niida. Bot wi liida dem iina Jeruusilem tek mi ton prizna gi di Ruoman liida dem.

Aks 24:18

A dat mi did a du wen dem si mi iina Gad ous. Dat taim de mi did don du aal we mi did sopuoz fi du fi mek miself kliin iina Gad yai. Mi neva av no kroud wid mi, an mi neva du notn fi kaaz no chobl niida.

Aks 24:5

“Wi fain se da man ya a wan wikid wikid chobl-meka we a rail op di Juu dem aal uova di worl, an im a wan ring liida fi wan paati we dem kaal di Nazariin.

Maak 9:14

Wen Jiizas an im chrii falara dem riich pan di flat, dem si wan big kroud a piipl gyada op roun di ada falara dem, an di Laa tiicha dem did a aagyu wid dem.

Jan 18:21

Wa yu a aks mi dem sitn ya fa? Aks di piipl dem we ier wa mi se. Dem nuo wa mi se.”