Aks 23:6 - Di Jamiekan Nyuu Testiment

⁶ Bot wen Paal si se som a dem a did Sadyusii an som a dem a did Farisii, im shout out iina di miitn, “Mi Breda, mi a wan Farisii, an mi faada a wan Farisii tu. A kaaz mi biliiv se ded piipl a-go kom bak alaiv mek dem a joj mi.”

Aks 23:6 ပူးပေါင်းရင်းမြစ်များ

Matyu 10:16

Mi a sen unu out laik shiip mongks wulf. So waiz op laik siniek an tek it iizi laik dov.

Matyu 22:23

Da siem die de som Sadyusii piipl kom a Jiizas (dem set a piipl de se, wen yu ded yu kyaahn kom bak alaiv). Dem kom kom aks Jiizas se,

Matyu 3:7

Bot wen im si uol iip a piipl fram di Farisii an Sadyusii gruup a kom fi im baptaiz dem, im se tu dem se, “Unu siniek pikni unu! A uu waan unu fi ron we fram di jojment we a kom?

Aks 22:3

“Mi a wan Juu. Mi baan iina Taasos we de iina Silisiya, bot mi gruo op rait ya-so iina Jeruusilem. Fi mi tiicha a did Gyamieliyel, an im tiich mi fi fala di Laa we Gad gi fi wi faada faada dem, aad aad. An siem laik ou unu siiros bout Gad, a siem so mi did wel siiros tu.

Aks 22:30

Di neks die, di ed fi touzn suoja did riili waahn fi nuo wa mek di Juu dem did a go gens Paal. So im let im go an aada di ed priis an di liida dem fi miit. Den im mek Paal tan op infronta dem.

Aks 22:5

Di liida fi di priis dem an di uol gruup a elda dem kyan tel unu bout mi kaaz dem did aal gi mi leta fi kyari tu wi breda dem iina Damaskos we a Juu. So mi go de go ares di piipl dem we did a fala di Wie ou Jiizas se dem fi liv an kyari dem kom a Jeruusilem kom ponish dem.

Aks 23:1

Paal luk chriet pan di liida dem an se tu dem se, “Mi breda, aal a mi laif op tu tide, mi liv rait, an mi kanchens naa go bada mi wen mi tan op infronta Gad.

Aks 23:15

So wi a aks yu an di liida dem fi beg di ed fi touzn suoja fi kyari im kom dong tu yu laik se yu out fi mek op yu main bout im kies. Tel im se yu waahn fi kwestiyan im som muor. Wi redi fi kil im iivn bifuo im riich nier ya.”

Aks 23:20

Im ansa im se, “Di Juu dem plan fi aks yu fi kyari Paal dong tu di liida dem tumaro. Dem plan fi mek it luk laik se dem waahn fi kwestiyan im som muor.

Aks 23:7

Wen im se dis, di Sadyusii an di Farisii dem staat kwaril mongks dem wan aneda so di gruup plit op iina tuu.

Aks 24:15

Mi an dem man ya biliiv di siem ting. Wi a wiet an a luk fi Gad mek ded piipl kom bak alaiv, weda dem did gud ar bad.

Aks 24:21

Di onggl ting dem kyan se a dat mi baal out iina dem miitn an se: ‘A kaaz mi biliiv se ded piipl a-go kom bak alaiv mek unu de ya tide a joj mi.’ ”

Aks 28:20

A dat mek mi aks unu fi miit wid mi. Matarafak, dem tek mi ton prizna an put mi iina dem chien ya siek-a di wan we di Izrel piipl dem a wiet fa an a luk fi kom.”

Filipiyan 3:5

Mi did get sorkomsaiz iet die afta mi baan. Fi mi mada an faada a baan Izrelait. Mi kom fram Benjamin chraib a piipl dem. Mi a Iibruu iina evri wie. Wen it kom tu di Laa, mi a wan Farisii we du evriting we di Laa se fi du.

Koloshan 1:5

Unu du dem sitn de kaaz unu a luk fi get wa Gad put op iina evn fi wi, an unu nuo fi shuor se unu a-go get dem. Wa Gad put op a di sed sitn dem we unu did ier bout wen unu did ier di Gud Nyuuz, an da mesij de chuu.

Iibruu 6:19

Wen wi chos Gad, an wi nuo fi shuor se im a-go gi wi wa im pramis wi, dat mek wi suol chrangga, an notn we a gwaan kyaahn kom shiek wi op. Wi tan todi jos laik wen di angka fi di ship jrap a di batam a di sii so di ship tan wan plies. An wen wi chos iina Gad so, di sitn dem we wi set wi aat pan, dem sitn de go insaid baka di kortn, go wan speshal speshal plies we Gad tan an we di priis dem wan kyan go.