Aks 23:35 - Di Jamiekan Nyuu Testiment

³⁵ im se, “Wen di piipl dem we a se yu du rang kom, mi wi joj wa yu av fi se fi yuself.” Den im gi aada fi dem kip Paal anda gyaad iina di palis we Erad did bil.

Aks 23:35 ပူးပေါင်းရင်းမြစ်များ

Aks 23:30

Wen mi lorn se dem did a set op wan siikrit plan fi kil di man, mi sen im tu yu siem taim an aada im enimi dem fi kom tu yu kom saat out dem prablem.

Aks 25:16

“Bot mi tel dem se Ruoman piipl no joj nobadi an se dem gilti jos so. Dem afi get di chaans fi tan op infronta di piipl dem we se dem du sitn rang, an taak op fi demself.

Matyu 27:27

Den di govana suoja dem tek Jiizas wich paat di govana liv an kaal op di ada suoja dem fi gyada op roun im.

Aks 24:22

Den Fiiliks, we nuo di chuut bout di Laad Wie tap wa did a gwaan, don kuot an se, “Wen Lisiyas di ed fi touzn suoja kom, mi wi mek op mi main bout wa mi a-go du wid yu.”

Aks 24:19

Bot yu av som Juu fram Iezha we shuda de ya infronta yu nou, ef dem av notn gens mi.

Aks 24:10

Wen di govana paint pan Paal an gi im di chaans fi taak fi imself, Paal se: “Mi nuo se a lang lang taim nou yu a sorv az joj uova da konchri ya, so mi api fi taak op fi miself.

Aks 24:1

Afta faiv die Ananaiyas di liida fi di priis dem kom dong wid som elda an wan laaya niem Tortyuulos an dem tel di govana bout di prablem dem av wid Paal.

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Matyu 2:16

Wen Erad si se di waiz man dem did chrik im op, im beks til im nieli bos! Im sen out aada, an kil aaf aal a di bwai pikni dem we did iina Betliyem an di plies dem we did de nier Betliyem, aal a di pikni dem we did a tuu ier uol an anda tuu. Im du dat azkaadn tu di taim wen di waiz man did se dem si di staar.

Matyu 2:3

Nou wen King Erad ier dis ya, dis bada bada im ed, an it bada uol iip a piipl iina Jeruusilem tu.

Matyu 2:1

Jiizas did baan iina Betliyem, wan toun iina Judiya. Dem taim de, a Erad did a king iina Judiya. Nou, iina dem siem taim de, som waiz man fram di Iis said did kom a Jeruusilem an a aks,

Aks 24:23

So im aada di ed fi onjrid suoja fi gyaad Paal, bot fi gi im likl spies, an no tap non a im fren dem fram elp im non at aal.