Aks 23:12 - Di Jamiekan Nyuu Testiment

¹² Di neks maanin, di Juu dem mek wan siikrit plan an som a dem swier se tonda ruol an brok dem nek dem naa nyam ar jringk notn til dem kil Paal.

Aks 23:12 ပူးပေါင်းရင်းမြစ်များ

Aks 23:30

Wen mi lorn se dem did a set op wan siikrit plan fi kil di man, mi sen im tu yu siem taim an aada im enimi dem fi kom tu yu kom saat out dem prablem.

Aks 23:21

Bot no mek dem presha yu an yu go du wa dem se, kaaz muor dan faati a dem a aid an a wiet fi gyang im. Dem swier blain se dem naa nyam ar jringk notn til dem kil im. Dem redi an a wiet rait ya nou fi ier ef yu a-go du wa dem a aks yu fi du.”

Aks 23:14

Dem go tu di ed priis an di elda dem an se tu dem se, “Wi swier se tonda ruol an brok wi nek wi naa nyam ar jringk notn til wi kil Paal.

Aks 25:3

Dem beg Festos fi du sitn speshal fi dem. Dem beg im fi gi aada fi Paal kom baka Jeruusilem. Dem du dat kaaz dem did av a plan fi gyang op an kil im bifuo im kuda riich.

Matyu 26:4

Di gruup a dem plan ou dem wuda fain som chrikifai wie an uol aan pan Jiizas so dem kuda kil im.

Gyalieshan 3:13

Nou wi no aalwiez fala aal a di Laa dem an siek-a dat Gad wuda ponish wi. Bot Krais Jiizas siev wi fram get ponish wen im kom an sofa fi wi. Im get ponish so wi wudn get ponish. It aal rait dong iina Gad wod se, “Enibadi we dem eng op pan wan kraas — Gad a ponish dem.”

1 Korintiyan 16:22

Ef sumadi no lov di Laad, mi uop se Gad wi joj im an sen im fi ded. Kom wi Laad Kom!

Matyu 27:25

Aal a di piipl dem se, “Ye, bliem wi! Mek im blod kom dong pan wi an wi pikni dem!”

Matyu 26:74

Piita staat kos an kaal dong aal kain-a kraasiz pan imself. An im swier an se, “Mi no nuo di man!” Sed taim wan kak kruo.

Aks 9:23

Afta wan lang taim paas dem siem Juu de gyada op an plan fi kil Saal.

Aks 9:24

Bot Saal did fain out bout it. Die an nait dem wach di siti giet fi si ef dem kuda kech im fi kil im.

Aks 23:13

Yu did av uova faati a dem we se so.

2 Korintiyan 11:26

Nof taim wen mi a chravl, mi aalmuos ded. Riva nieli tek mi laif. Tiif chrai kil mi. Mi uona piipl di Juu dem an aal piipl we a no Juu chrai fi kil mi tu. Mi no sief iina di siti. Mi no sief iina di dezot. Mi de a sii, mi aalmuos ded. Mi aal av piipl we gwaan laik dem a mi breda, bot a kil dem waahn fi kil mi.

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.