Aks 23:11 - Di Jamiekan Nyuu Testiment

¹¹ Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”

Aks 23:11 ပူးပေါင်းရင်းမြစ်များ

Matyu 14:27

Bot siem taim Jiizas se tu dem se, “Unu tek aat! A mi, man. No bada fried.”

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Matyu 9:2

Siem taim som piipl bring wan kripl man kom tu im pan wan chrecha. Wen Jiizas si umoch dem biliiv iina im, im se tu di kripl man se, “No wori mi bwai! Mi paadn yu fram aal a yu sin dem.”

Luuk 16:28

beg im waan mi faiv breda dem, so dem no kom dong a da plies ya, we evribadi a sofa.’

Jan 14:18

“Mi naa go lef unu laik se unu a pikni widout no mada ar faada. Mi a kom bak tu unu.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Aks 18:9

An iina di nait di Laad se tu Paal iina wan vijan, “No fried, taak op an no kip kwaiyat,

Aks 19:21

Afta aal a dem sitn ya apm, Paal mek op im main fi go op a Jeruusilem, so im chravl chuu Masiduoniya an Akaiya. An im se, “Afta mi spen som taim op de, mi afi go a Ruom fi a likl wail.”

Aks 2:25

Dis a wa Dievid did se bout im. Im se, “‘Mi si di Laad, im eva infronta mi. Im aalwiez de wid mi, rait saida mi. Notn kyaahn shiek mi.

Aks 20:22

“An nou di Uoli Spirit push mi fi go a Jeruusilem an mi a go, iivn duo mi no nuo wa a-go apm tu mi wen mi riich,

Aks 22:15

Im du dat kaaz im waahn yu fi go tel piipl evriwe wa yu si an wa yu ier.

Aks 22:18

Iina mi vijan mi si di Laad an im se tu mi se, ‘Ori op! Kom outa Jeruusilem faas faas, kaaz dem naa go biliiv wa yu av fi tel dem bout mi.’

1 Korintiyan 9:1

Mi no frii? Mi a no wan a di apasl dem? Mi neva si wi Laad Jiizas Krais? Unu a no Gad piipl siek-a di wok we Gad sen mi fi du?

Filipiyan 1:13

Matarafak aal a di speshal suoja dem we gyaad di suoja kyamp wich paat mi de an evribadi els ya nuo se mi get lak op iina prizn kaaz mi a priich bout Jiizas Krais.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.