Aks 23:10 - Di Jamiekan Nyuu Testiment

¹⁰ Wen di kwaril get riili riili bad, di ed fi touzn suoja kech im fried kaaz im tingk se dem wuda tier op Paal. So im aada im suoja dem fi go dong go tek we Paal fram mongks dem an kyari im bak iina di suoja kyamp.

Aks 23:10 ပူးပေါင်းရင်းမြစ်များ

Jiemz 3:14

Bot ef unu aat bita, an unu bad main an onggl a fait fi av unu uona wie, no bada buos bout unuself an ton we fram di chuut, kaaz wen unu du dat unu a mek di chuut luk laik se a lai.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Aks 22:24

di ed fi touzn suoja aada di ada suoja dem fi kyari Paal go bak iina di suoja kyamp. Im tel dem fi biit Paal wid wan wip so im wi tel dem wa im du mek di kroud a rail op gens im so.

Aks 23:32

Di neks die dem mek di man dem we raid di aas dem go wid Paal an di ada man dem go baka Jeruusilem.

Aks 23:27

Di Juu dem kyapcha da man ya an did out fi kil im. Bot wen mi lorn se im did kom fram Ruom, mi get wan gruup a suoja an go siev im fram dem.

Aks 23:16

Bot Paal sista bwai pikni ier bout ou dem plan fi gyang Paal, so im go tu di suoja kyamp an go tel Paal bout it.

Aks 21:37

Wen dem did out fi kyari Paal iina di suoja kyamp im se tu di ed fi touzn suoja se, “Mi kyan se sopm tu yu?” Di ed fi touzn suoja aks im se, “Yu kyan taak Griik?

Aks 23:28

Sins mi did waahn fi nuo wa rang dem did se im did du, mi kyari im go dong tu dem liida.

2 Korintiyan 11:26

Nof taim wen mi a chravl, mi aalmuos ded. Riva nieli tek mi laif. Tiif chrai kil mi. Mi uona piipl di Juu dem an aal piipl we a no Juu chrai fi kil mi tu. Mi no sief iina di siti. Mi no sief iina di dezot. Mi de a sii, mi aalmuos ded. Mi aal av piipl we gwaan laik dem a mi breda, bot a kil dem waahn fi kil mi.