Aks 22:3 - Di Jamiekan Nyuu Testiment

³ “Mi a wan Juu. Mi baan iina Taasos we de iina Silisiya, bot mi gruo op rait ya-so iina Jeruusilem. Fi mi tiicha a did Gyamieliyel, an im tiich mi fi fala di Laa we Gad gi fi wi faada faada dem, aad aad. An siem laik ou unu siiros bout Gad, a siem so mi did wel siiros tu.

Aks 22:3 ပူးပေါင်းရင်းမြစ်များ

Luuk 10:39

Nou, Maata did av wan sista niem Mieri. Fram Jiizas riich a di ous, Mieri go sidong a im fut an no muuv. Shi sidong a lisn aal we im av fi se.

Luuk 2:46

Chrii die paas bifuo dem fain Jiizas iina Gad ous, sidong wid di tiicha dem, a lisn tu dem, an a aks dem kwestiyan.

Luuk 8:35

So di piipl dem go fi si a wa did apm. Wen dem riich wich paat Jiizas did de, dem si di man we Jiizas ron di diiman dem outa. Im did a sidong a Jiizas fut, im did av aan kluoz an iina im rait main. An di piipl dem kech dem fried.

Aks 11:25

Den Baanabas lef go a Taasos fi go luk fi Saal,

Aks 15:23

Dis a di leta we dem gi dem fi gi di choch: Wi, di apasl an elda dem, we a unu breda, a rait an a sen oudi tu aal a unu we de a Antiyak, Siriya, an Silisiya we biliiv iina Jiizas.

Aks 15:41

So dem paas chuu Siriya an Silisiya an elp di piipl dem we biliiv iina Jiizas fi tan op chrang iina wa dem biliiv.

Aks 21:20

Wen dem ier dis, dem priez Gad. Den dem se tu im se, “Breda, yu si di touzn an touzn a Juu iina Jeruusilem we biliiv iina Jiizas, an aal a dem biliiv an fala di Laa dong tu di laas leta.

Aks 21:39

Paal ansa im se, “Mi a wan Juu. Mi baan an gruo iina Taasos wan big impuotant siti iina Silisiya. Mi a beg yu, gi mi a chaans fi taak tu di piipl dem.”

Aks 23:34

Afta di govana riid di leta, im aks Paal wich konchri im kom fram. Wen im fain out se Paal kom fram Silisiya,

Aks 23:6

Bot wen Paal si se som a dem a did Sadyusii an som a dem a did Farisii, im shout out iina di miitn, “Mi Breda, mi a wan Farisii, an mi faada a wan Farisii tu. A kaaz mi biliiv se ded piipl a-go kom bak alaiv mek dem a joj mi.”

Aks 26:5

Dem nuo, kaaz dem nuo mi fram lang lang taim. An ef dem waahn dem kyan tel yu ou mi liv azkaadn tu di gruup mongks wi piipl we fala di Laa tu a tii, kaaz mi a wan Farisii.

Aks 26:9

“A siem so mi did biliiv se mi did afi du evriting we mi kuda du fi ort Jiizas we kom fram Nazaret.

Aks 5:34

Bot wan Farisii niem Gyamieliyel, wan a di Laa tiicha dem we evribadi rispek, tan op iina di miitn infronta aal a di liida dem an aada dem fi put di apasl dem outa duor likl bit.

Aks 6:9

Bot yu did av som man we kom fram di Choch fi di Piipl we get Frii (kaaz a so dem kaal demself). Som a dem kom fram Sairiin, Aligzanjriya, Silisiya an Iezha. Dem man ya staat fi aagyu wid Stiivn,

Aks 9:1

Roun dem siem taim de, Saal stil did a chretn fi kil aaf di biliiva dem. Im go tu di liida fi di priis dem

Aks 9:11

Di Laad se tu im se, “Go uova Juudas ous pan chriet chriit an aks fi wan man fram Taasos niem Saal. Im de de a prie

Aks 9:30

Wen di piipl we biliiv iina Jiizas fain out se di Juu dem did a chrai fi kil Saal, dem tek im dong a Sesuriiya an sen im we go a Taasos.

Ruoman 11:1

So den mek mi aks unu sopm, unu tingk se a waahn Gad no waahn im piipl no muor? No sa! Notn no go so! Kaaz mi a wan Izrelait tu, mi a wan a Iebriyam fambili an mi kom fram Benjamin chraib.

2 Korintiyan 11:22

Dem a Iibruu? Mi a Iibruu tu. Dem a Izrelait? Mi a Izrelait tu. Dem a Iebriyam fambili? Mi a Iebriyam fambili tu.

Gyalieshan 1:14

Dem die de, mi did wie a'ed a di ada Juu dem we a did di siem iej laik mi. Kaaz mi did a fala di sitn dem we wi faada faada dem kom dong did tiich. An mi fala it muor dan di uol a dem.

Gyalieshan 1:21

Mi lef fram Jeruusilem an go a Siriya an Silisiya.