Aks 22:24 - Di Jamiekan Nyuu Testiment

²⁴ di ed fi touzn suoja aada di ada suoja dem fi kyari Paal go bak iina di suoja kyamp. Im tel dem fi biit Paal wid wan wip so im wi tel dem wa im du mek di kroud a rail op gens im so.

Aks 22:24 ပူးပေါင်းရင်းမြစ်များ

Jan 19:1

Den Pailat tek Jiizas an mek im suoja dem biit im.

Aks 16:37

Bot Paal se tu di poliis man dem se, “Dem biit wi op iina di uopm infronta evribadi wen dem neva iivn chrai wi fi si ef wi did du notn rang — iivn duo a Ruom wi kom fram an dem lak wi op iina prizn. An nou dem waahn fi aid an sen wi we. Dem mosi mad! Dem afi kom liid wi out demself!”

Aks 21:34

Som a di piipl iina di kroud kaal out wan sitn an som ada piipl kaal out sitn els. Di ed fi touzn suoja kudn get no we wid wa di kroud did a se, so im gi aada fi dem kyari im go iina di suoja kyamp.

Aks 21:37

Wen dem did out fi kyari Paal iina di suoja kyamp im se tu di ed fi touzn suoja se, “Mi kyan se sopm tu yu?” Di ed fi touzn suoja aks im se, “Yu kyan taak Griik?

Aks 23:10

Wen di kwaril get riili riili bad, di ed fi touzn suoja kech im fried kaaz im tingk se dem wuda tier op Paal. So im aada im suoja dem fi go dong go tek we Paal fram mongks dem an kyari im bak iina di suoja kyamp.

Aks 23:27

Di Juu dem kyapcha da man ya an did out fi kil im. Bot wen mi lorn se im did kom fram Ruom, mi get wan gruup a suoja an go siev im fram dem.

Aks 28:18

Afta dem kwestiyan mi an fain out se mi neva du notn rang we wuda gi dem di rait fi kil mi, dem did waahn fi let mi go.

Iibruu 11:35

Uman get bak dem ded fambili, kaaz dem kom bak alaiv. Bot som ada wan, dem enimi did mek dem sofa bad bad, bot dem mek op dem main se dem naa go go frii. Da wie de, dem kyan kom bak alaiv an liv wan beta laif.