Aks 22:22 - Di Jamiekan Nyuu Testiment

²² Di kroud did a lisn tu Paal til im taak bout se di Laad sen im tu di piipl we a no Juu. Den dem staat baal out pan tap a dem vais, “Da man ya fi ded, kil im! Aal im so — aal im no fi liv!”

Aks 22:22 ပူးပေါင်းရင်းမြစ်များ

Luuk 23:18

Di uol kroud shout out, “Kil Jiizas! Gi wi Barabas!”

Jan 19:15

Bot dem shout out se, “Tek im we! Tek im we! Niel im pan di kraas mek im ded!” “Mi fi niel op unu king pan di kraas mek im ded?” Pailat aks dem. “Siiza a di onggl king wi av,” di ed priis dem se tu im.

Aks 21:36

Di kroud a piipl did a fala dem an a baal out, “Mek wi kil im! Gi wi im mek wi kil im!”

Aks 25:24

Den Festos se, “King Agripa, an evribadi we de ya wid wi, unu si da man ya, aal a di Juu dem beg mi loud loud no fi mek im liv no langga. Dem beg mi wen mi did de a Jeruusilem an dem beg mi dong ya iina Sesuriiya.

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.