Aks 22:1 - Di Jamiekan Nyuu Testiment

¹ “Aal a unu we uolda dan mi an aal a unu we a di siem iej laik mi, lisn tu wa mi av fi se tu unu.”

Aks 22:1 ပူးပေါင်းရင်းမြစ်များ

Aks 7:2

Stiivn ansa an se, “Aal a unu we a mi breda an mi faada, lisn we mi a se! Di Gad we av im brait brait lait a shain roun im, shuo imself tu wi faada Iebriyam wen Iebriyam did stil a liv iina Mesopotiemiya. Dat a did bifuo im muuv go liv a Ieran.

2 Timoti 4:16

Wen mi did go a kuot fi di fos taim fi chrai difen miself nobadi neva kom sopuot mi, di uol a dem lef mi fi fen fi miself. Mi uop Gad no uol it gens dem.

1 Piita 3:15

Unu fi andastan se Krais Jiizas a di onggl Laad, an worship im wan. An unu fi aalwiez redi fi ansa enibadi we aks unu a wa mek unu chos iina Krais Jiizas so.

Filipiyan 1:17

Di ada wan dem priich, bot dem no riili miin we dem a se, dem a du it fi di rang riizn. Dem a du it kaaz dem waahn fi mek mi av muo chobl fi diil wid iina prizn ya.

Filipiyan 1:7

Mi nuo se it aarait fi mi tingk da wie ya bout aal a unu, kaaz mi lov unu an aal a unu elp mi wen mi did a tan op an a difen di Gud Nyuuz, weda mi did lak op iina prizn ar mi did frii. Aal a unu tek paat iina di gud sitn we Gad gi mi fi du, iivn duo wi no dizorv it.

2 Korintiyan 12:19

Unu tingk se aal a dis we mi a rait, a fi pruuv tu unu se wa wi a du rait? Kaaz wi a Jiizas sorvant dem, wi aalwiez tiich di chuut laik se Gad tan op rait infronta wi, an mi fren, evriting we wi tiich a fi elp unu gruo chrang.

2 Korintiyan 7:11

So unu si umoch gud it du unu wen Gad mek unu sari. It mek unu staat tek tingz siiros an wel waahn fi shuo se unu a du di rait ting. It beks unu. It mek unu fried. It mek unu wel waahn fi si mi. It mek unu staat tek kier wid wa unu du an chrai aad fi mek shuor se unu a du di rait ting.

1 Korintiyan 9:3

Dis a wa mi av fi se tu aal a di piipl we a joj mi an a kwestiyan evriting we mi du.

Ruoman 2:15

Wa dem du shuo se di sitn dem we di Laa tiich rait dong iina dem aat. An di sitn dem we dem tingk, shuo se a chuu tu. Kaaz dem uona kanchens wi tel dem ef wa dem a du rait ar ef it rang.

Aks 28:17

Chrii die afta dat, Paal sen kaal di Juu liida dem iina di ieriya fi miit wid im. Wen dem kom im se tu dem se, “Mi breda, mi neva du notn rang gens wi piipl. Mi neva se notn rang bout di wie wi faada faada dem did liv niida. Bot wi liida dem iina Jeruusilem tek mi ton prizna gi di Ruoman liida dem.

Aks 26:24

Wail Paal did a taak, Festos kaal out pan tap a im vais, “Paal, yu mad. Yu ed a tek yu! Yu lorn tu moch an yu ed a tek yu nou!”

Aks 25:16

“Bot mi tel dem se Ruoman piipl no joj nobadi an se dem gilti jos so. Dem afi get di chaans fi tan op infronta di piipl dem we se dem du sitn rang, an taak op fi demself.

Aks 25:8

So Paal taak op fi imself an se, “Mi no du notn rang gens di Juu dem, mi no brok non a dem Laa, ar du notn we wuda mek Gad ous no kliin no muor, ar se notn bad gens Siiza.”

Aks 24:10

Wen di govana paint pan Paal an gi im di chaans fi taak fi imself, Paal se: “Mi nuo se a lang lang taim nou yu a sorv az joj uova da konchri ya, so mi api fi taak op fi miself.

Aks 23:6

Bot wen Paal si se som a dem a did Sadyusii an som a dem a did Farisii, im shout out iina di miitn, “Mi Breda, mi a wan Farisii, an mi faada a wan Farisii tu. A kaaz mi biliiv se ded piipl a-go kom bak alaiv mek dem a joj mi.”

Aks 23:1

Paal luk chriet pan di liida dem an se tu dem se, “Mi breda, aal a mi laif op tu tide, mi liv rait, an mi kanchens naa go bada mi wen mi tan op infronta Gad.

Aks 19:33

Som a di piipl iina di kroud tingk se Aligzanda a did di prablem, kaaz di Juu dem did push im op front. So im uol op im an fi di kroud kip kwaiyat so im kuda taak fi imself fi mek dem nuo se im an im fren dem neva du notn.

Aks 13:26

“Breda an sista we a Iebriyam pikni, an aal a unu we a no Juu we rispek Gad, a wi di mesij kom tu bout ou Gad siev piipl.

Luuk 21:14

No fret bout ou unu a-go ansa.

Luuk 12:11

“Wen dem kyari unu bifuo di Juu dem choch, di ruula dem an di piipl dem we av uol iip a powa fi aal sen piipl go ded, no fret bout ou unu a-go difen unuself, ar wa unu fi se ar ou unu fi se it,