Aks 21:9 - Di Jamiekan Nyuu Testiment

⁹ Filip did av fuo daata we neva marid, an di fuo a dem a did prafit.

Aks 21:9 ပူးပေါင်းရင်းမြစ်များ

Luuk 2:36

Wan uol uman niem Ana we a did wan prafit did de de tu. Shi a did Fanyuuwel daata, wan man we kom fram Asha chraib. Shi did marid, bot a onggl sevn ier shi an ar ozban did marid fa bifuo im ded.

Aks 13:1

Nou yu did av som prafit an som tiicha mongks di biliiva dem we did de a Antiyak: man laik Baanabas, Simiyan we dem kaal Naiga, Luushos fram Sairiin, Manoyen (im an Erad di ruula a did gud gud fren fram dem a pikni) an Saal.

Aks 2:17

“Gad se, ‘Iina di laas die dem, mi a-go put mi Spirit iina piipl evriwe. Unu bwai pikni dem an unu gyal pikni dem a-go priich mi mesij. Unu yong man dem a-go get vijan fram Gad, an unu uol man dem a-go andastan Gad mesij chuu di jriim dem we dem get fram Gad.

1 Korintiyan 7:38

So di wan we marid di uman we neva sliip wid no man yet, du di rait sitn, bot di wan we no get marid — im du sitn iivn beta.

Revilieshan 2:20

Bot mi stil av sitn gens unu. Unu put op wid da uman de, Jezibel, we kaal arself wan prafit. Shi yuuz di sitn dem we shi a tiich fi chrik mi sorvant dem fi tek paat iina seks sin an fi nyam fuud we dem tek bon sakrifais gi faalz gad.