Aks 21:26 - Di Jamiekan Nyuu Testiment

²⁶ So di neks die, Paal tek di fuo man dem, an im an dem du wa di Laa se fi du fi get kliin iina Gad yai. Den im go a Gad ous an mek di liida dem nuo se im set di taim fi gi op sakrifais fi im an di man dem.

Aks 21:26 ပူးပေါင်းရင်းမြစ်များ

Jan 11:55

Wen a did nieli taim fi di Juu piipl dem Paasuova Alidie, uol iip a dem lef konchri an go op a Jeruusilem so dem kuda get demself kliin an redi fi di alidie.

Aks 21:24

kyari dem wid yu go a Gad ous an pie di moni we dem fi pie fi get bak kliin, an yu wi get kliin tu. Afta dat dem kyan kot aaf dem ier. Da wie de evribadi wi nuo se wa dem se bout yu a no chuu. Dem wi si se yu liv laik ou di Laa se wi fi liv.

Aks 24:18

A dat mi did a du wen dem si mi iina Gad ous. Dat taim de mi did don du aal we mi did sopuoz fi du fi mek miself kliin iina Gad yai. Mi neva av no kroud wid mi, an mi neva du notn fi kaaz no chobl niida.

1 Korintiyan 9:20

Wen mi de wid piipl we a Juu, mi du di sitn dem we di Juu dem du so dat mi kuda win dem uova. An wen mi de mongks piipl we afi fala Muoziz laa, mi liv azkaadn tu di laa tu, iivn duo mi no afi fala it. Mi du dat so dat mi kyan win dem uova an elp dem fi biliiv iina Jiizas Krais.