Aks 21:25 - Di Jamiekan Nyuu Testiment

²⁵ Bot yu si di piipl we a no Juu we biliiv, wi did rait tu dem bout wa wi did mek op wi main fi du aredi. Wi tel dem se dem no fi nyam miit we piipl did tek bon sakrifais gi faalz gad, ar miit wid blod stil iina it, ar animal we eng, an dem fi kip we fram aal saat a seks sin.”

Aks 21:25 ပူးပေါင်းရင်းမြစ်များ

Aks 15:29

Unu no fi nyam no fuud we piipl tek bon sakrifais gi faalz gad, no nyam ar jringk no blod, no nyam miit fram animal we eng ar we blod neva bliid out wen dem ded. Unu fi kip we fram aal saat a seks sin. Ef unu kip we fram aal a dem sitn de, unu a du di rait ting. Unu tek kier.

Matyu 5:32

Bot ier wa mi a se: eni man we brok op wid im waif, an a no laik se shi did a kip man wid im ar a gwaan wid no ada seks sin, ef da uman de go marid wan neks man, a di fos ozban wuda mek shi a liv iina sin kaa nou shi wudaana sliip wid wan neks man. An di man we marid da uman de afta ar ozban lef ar, im a liv iina sin tu, kaa im a sliip wid wan neks man waif.