Aks 21:20 - Di Jamiekan Nyuu Testiment

²⁰ Wen dem ier dis, dem priez Gad. Den dem se tu im se, “Breda, yu si di touzn an touzn a Juu iina Jeruusilem we biliiv iina Jiizas, an aal a dem biliiv an fala di Laa dong tu di laas leta.

Aks 21:20 ပူးပေါင်းရင်းမြစ်များ

Matyu 9:8

Wen di kroud a piipl si dis ya, dem kech dem fried an staat big op Gad, kaa a im gi piipl di rait an powa fi du dem sitn ya.

Luuk 12:1

Wen touzn an touzn a piipl staat gyada gyada we Jiizas de, dem did so nof dem aal a tep op tep op pan dem wan aneda. Jiizas taak tu im speshal falara dem fos, im se, “Wach out fi di tuu mout Farisii dem.

Luuk 15:32

Bot wi did so glad wi did afi daans an praans, kaaz yu breda we did ded an kom bak alaiv, kom bak uom. Im did laas bot wi get im bak.’ ”

Jan 12:24

Mi a tel unu fi chuu chuu, ef wan wiit siid no jrap a grong an ded an ratn, it eva a-go tan wan wiit siid. Bot ef it get fi ded an ratn, it gruo an bier nof ada siid.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 15:1

Den som man kom fram Judiya kom a Antiyak. Dem staat fi tiich di piipl we biliiv iina Jiizas se, “Ef unu no get sorkomsaiz azkaadn tu we Muoziz Laa se, unu kyaahn get siev.”

Aks 15:24

Wi ier se som man fram wi gruup kom a mek chobl fi unu an a chrai fi mes op unu ed wid di sitn dem we dem a tiich, bot wi neva sen dem, ar wi neva gi dem no rait fi du wa dem a du.

Aks 15:5

Den som a di choch piipl dem we a paat a di Farisii gruup tan op an se, “Di piipl we a no Juu afi get sorkomsaiz an wi afi aada dem fi kip Muoziz Laa tu.”

Aks 2:41

Di wan dem we biliiv Piita mesij get baptaiz, an da die de, di Laad mek bout chrii touzn muor piipl jain di choch.

Aks 22:3

“Mi a wan Juu. Mi baan iina Taasos we de iina Silisiya, bot mi gruo op rait ya-so iina Jeruusilem. Fi mi tiicha a did Gyamieliyel, an im tiich mi fi fala di Laa we Gad gi fi wi faada faada dem, aad aad. An siem laik ou unu siiros bout Gad, a siem so mi did wel siiros tu.

Aks 4:21

Di liida dem chretn Piita an Jan agen, den dem let dem go. Dem kudn mek op dem main ou fi ponish Piita an Jan, kaaz aal a di piipl dem did a gi Gad priez fi wa did apm.

Aks 4:4

Bot nof a di piipl dem we did ier di apasl dem mesij biliiv it. Di gruup a man dem we biliiv iina Jiizas nou a did bout faiv touzn.

Aks 6:7

Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

Ruoman 10:2

Kaaz mi kyan tel unu fi shuor se dem wel waahn fi sorv Gad. Bot dem no andastan se wa dem a du no lain op wid di chuut.

Gyalieshan 1:14

Dem die de, mi did wie a'ed a di ada Juu dem we a did di siem iej laik mi. Kaaz mi did a fala di sitn dem we wi faada faada dem kom dong did tiich. An mi fala it muor dan di uol a dem.

Gyalieshan 1:24

An dem priez Gad siek-a wa apm tu mi.

2 Tesaluoniyan 1:10

Di Laad Jiizas a-go du aal a dem sopm ya wen im kom bak pan jojment die fi get priez siek-a di wok we im du iina fi im piipl dem. Unu a-go de de a priez im tu. Kaaz unu did biliiv di sitn dem we wi nuo fi wiself an did kom tel unu.