Aks 21:14 - Di Jamiekan Nyuu Testiment

¹⁴ Wen wi si se wi kudn get im fi chienj im main an no go, wi gi op an jos se, “Laad, mek we yu waahn fi apm apm!”

Aks 21:14 ပူးပေါင်းရင်းမြစ်များ

Matyu 26:39

Jiizas go out likl forda an dash imself a grong, ton dong im fies an im prie. Im se, “Mi Faada, ef yu kyan dwi'it, du, tek da kop ya fram mi! Bot a no wa mi waahn stil, a wa yu waahn.”

Matyu 26:42

Im go we wan sekan taim go prie. Im se, “Mi Faada, ef dis a di onggl wie, an mi afi jringk fram da kop ya, den mi afi du wa yu waahn.”

Matyu 6:10

Mek di taim kom wen yu ruul iina evri wie. Mek we yu waahn apm pan ort apm, jos laik ou a wa yu waahn fi apm iina evn apm

Luuk 11:2

Jiizas tel dem se, “Wen unu prie, unu fi se: “ ‘Faada, mek piipl av nof rispek fi yu an yu niem, Mek di taim kom wen yu ruul iina evri wie.

Luuk 22:42

“Faada, ef yu waahn fi dwi'it, tek da kop ya fram mi, bot ef a no dat yu waahn, aarait den.”